O 23 de xaneiro de 2013, a Xefatura Territorial da Consellería de Sanidade ditou acordo de inicio do expediente sancionador nº 2012394AL-CO incoado a Patricia Aguiar Bernárdez.
Intentada a notificación deste acordo segundo o disposto no artigo 59.2º da Lei 30/1992, do 26 de novembro, de réxime xurídico das administracións públicas e do procedemento administrativo común, modificada pola Lei 4/1999, do 13 de xaneiro, e non sendo posible a súa práctica, por medio desta cédula e ao abeiro do disposto no número 5 do devandito artigo, notifícase a Patricia Aguiar Bernárdez o contido do dito acordo de inicio que figura como anexo para que poida ter coñecemento del.
Así mesmo, fáiselle saber o dereito que a asiste ao abeiro do disposto no número 1 do artigo 16 do Real decreto 1398/1993, do 4 de agosto, polo que se aproba o Regulamento para o exercicio da potestade sancionadora, para presentar alegacións ante esta xefatura territorial no prazo de 15 días hábiles, contados desde o seguinte ao da publicación desta cédula, e recórdaselle o seu dereito a consultar o expediente depositado nas dependencias da Xefatura Territorial, sita na rúa Gregorio Hernández, 2-4, A Coruña e a obter, se é o caso, copia do expediente, segundo o previsto na letra a) do artigo 35 da Lei 30/1992, do 26 de novembro.
Advírteselle que, no caso de non efectuar alegacións sobre o contido do dito acordo no citado prazo, o acordo de inicio se considerará proposta de resolución cando conteña un pronunciamento preciso acerca da responsabilidade imputada, cos efectos previstos nos artigos 18 e 19 do Real decreto 1398/1993.
Esta cédula expídese para que conste e lle sirva de notificación ao interesado, en cumprimento do disposto no artigo 59.5º da Lei 30/1992, do 26 de novembro.
A Coruña, 30 de xaneiro de 2013
Emma Rego Valcarce
Xefa territorial da Coruña
ANEXO
Nº de expediente: 2012394AL-CO.
Interesada: Patricia Aguiar Bernárdez (Restaurante O Alambique).
DNI/NIF/CIF: Y05995546.
Derradeiro enderezo coñecido: travesía de Arteixo, 7-9, Suevos, 15142 Arteixo.
Feito imputado: infracción á lexislación aplicable en materia sanitaria.
Artigos infrinxidos: Lei 17/2011, do 5 de xullo, de seguridade alimentaria e nutrición.
Art. 50.1.d) e e). Art. 51.1.
Regulamento (CE) 852/2004, do 29 de abril, do Parlamento Europeo e do Consello, sobre normas específicas de hixiene dos alimentos de orixe animal (DO nº 139, do 30 de abril de 2004; rectif. DO nº 204, do 4 agosto de 2007), art. 5, puntos 1, 2, 3, 4 e 5.
Anexo II. Capítulo I. Requisitos xerais dos locais destinados aos produtos alimenticios (que non sexan os mencionados no capítulo III), puntos 1.2.a), b), c) e d), 4, 8 e 10; art. 3; art. 7.3.
Tipificación provisional: leve.
Sanción proposta: 600 €. Seiscentos euros.