Descargar PDF Galego | Castellano| Português

DOG - Xunta de Galicia -

Diario Oficial de Galicia
DOG Núm. 43 Venres, 1 de marzo de 2013 Páx. 6161

IV. Oposicións e concursos

Servizo Galego de Saúde

ANUNCIO do 11 de febreiro de 2013, da Xerencia de Xestión Integrada de Santiago de Compostela, polo que se publica a resolución da mesma data pola que se convoca a provisión do posto de xefatura do Servizo de Neuroloxía.

De conformidade co establecido no Decreto 206/2005, do 22 de xullo (DOG nº 145, do 29 de xullo), de provisión de prazas de persoal estatutario do Servizo Galego de Saúde, e a Orde do 24 de maio de 2006 (DOG nº 106, do 5 de xuño) pola que se establecen as bases do procedemento para a provisión dos postos de xefatura e coordinación das institucións sanitarias do Servizo Galego de Saúde, en virtude das competencias atribuídas polo Decreto 311/2009, do 28 de maio (DOG nº 109, do 5 de xuño), polo que se establece a estrutura orgánica do Servizo Galego de Saúde, e da Orde do 5 de xullo de 2012 (DOG nº 139, do 20 de xullo), sobre delegación de competencias en órganos centrais e periféricos do Servizo Galego de Saúde, o xerente de Xestión Integrada de Santiago de Compostela,

RESOLVE:

Primeiro. Anunciar a convocatoria para cubrir, polo procedemento de avaliación colexiada, o posto de traballo que se indican no anexo.

Segundo. As solicitudes para participar na presente convocatoria dirixiranse á Xerencia de Xestión Integrada de Santiago de Compostela e poderán presentarse no Rexistro Xeral da Xerencia de Xestión Integrada de Santiago de Compostela, sita no Hospital Clínico na travesía da Choupana, s/n, 15706 Santiago de Compostela, e nos demais lugares previstos no artigo 38 da Lei 30/1992, do 26 de novembro, de réxime xurídico das administracións públicas e do procedemento administrativo común, no prazo de vinte días naturais, contados a partir do seguinte ao da publicación deste anuncio no Diario Oficial de Galicia.

Terceira. As bases íntegras da convocatoria estarán expostas nos taboleiros de anuncios dos centros hospitalarios dependentes da Xerencia de Xestión Integrada de Santiago de Compostela, no Punto de Atención ao Traballador (PAT) da Dirección de Recursos Humanos e na intranet da Xerencia de Xestión Integrada de Santiago de Compostela, así como na páxina web do Servizo Galego de Saúde (www.sergas.es).

Santiago de Compostela, 11 de febreiro de 2013

Luis Verde Remeiro
Xerente de Xestión Integrada de Santiago de Compostela

ANEXO

Denominación do posto: xefe de Servizo de Neuroloxía.

Requisitos: festar en posesión do título de licenciado ou doutor en Medicina e do título de especialista en Neuroloxía, posuír a condición de persoal estatutario fixo na categoría de persoal licenciado sanitario na especialidade de Neuroloxía, en situación de servizo activo en institución sanitarias do Sistema nacional de saúde ou ser titular de praza vinculada docente-asistencial na mesma especialidade, e acreditar un mínimo de tres anos de experiencia profesional na especialidade de Neuroloxía nas institucións sanitarias do Sistema nacional de saúde ou desempeñando praza vinculada docente-asistencial.

Procedemento de provisión: avaliación colexiada.

Institución: Xerencia de Xestión Integrada de Santiago de Compostela.