A Xunta de Goberno local do Concello de Pantón, en sesión que tivo lugar o pasado día 18 de febreiro de 2013, aprobou inicialmente o expediente de delimitación do núcleo rural de Tribás, pertencente ao termo municipal de Pantón.

De conformidade co disposto na disposición adicional segunda da Lei 9/2002, do 30 de decembro, de ordenación urbanística e protección do medio rural de Galicia, e na redacción dada a esta pola Lei 2/2010, do 25 de marzo, o expediente sométese a información pública polo prazo dun mes, que comezará a contar desde o día seguinte ao da publicación do presente anuncio no Diario Oficial de Galicia e nos diarios La Voz de Galicia e El Progreso de Lugo. No caso de producirse a inserción en datas diferentes, o prazo computará desde a última publicación.

Durante este prazo, poderase examinar o devandito expediente na Secretaría do Concello, de luns a venres, das 9.00 ás 14.00 horas.

Pantón, 11 de marzo de 2013

José Luis Álvarez Blanco
Alcalde