1. Entidade adxudicadora.
a) Organismo: Instituto Galego de Seguridade e Saúde Laboral (Issga).
b) Dependencia que tramita o expediente: Subdirección Xeral de Administración e Persoal.
c) Número de expediente: PA 1/2013.
2. Obxecto do contrato: servizo de formación en materia de prevención de riscos laborais en actividades do sector agrogandeiro e forestal, para o cal cómpre executar 36 accións formativas distribuídas en 5 lotes, especificados no punto 5.
3. Prazo de execución: desde a data da sinatura do contrato ata o 30.9.2013. Este contrato non admite prórroga.
4. Tramitación, procedemento e forma de adxudicación: ordinaria, aberto e multicriterio. Os criterios de adxudicación recóllense na cláusula 5 do PCAP.
5. Orzamento máximo de licitación: 117.875,00 €. De conformidade co artigo 20.Un.9º da Lei 37/1992, do 28 de decembro, do imposto sobre o valor engadido, o servizo obxecto deste contrato está exento de IVE. O dito importe está cofinanciado polo Ministerio de Agricultura, Alimentación e Medio Ambiente nun 50 % a través do programa de desenvolvemento sustentable: eixe 1, actuación 1.22.-CA.3.
Orzamento desagregado por lotes:
|
Nº de lote |
Tipoloxía dos cursos |
Nº de edicións |
Importe |
|
1 |
Curso de prevención de riscos laborais no manexo de maquinaria agrícola. Manexo práctico do tractor e os seus apeiros. |
8 |
21.074,00 |
|
2 |
Curso de prevención de riscos laborais no manexo de maquinaria forestal. Manexo práctico de motoserra e rozadora. |
6 |
26.937,00 |
|
3 |
Curso de prevención de riscos laborais en pequenas explotacións agrícolas. |
8 |
28.864,00 |
|
4 |
Curso de prevención de riscos laborais en explotacións agrogandeiras. |
8 |
28.700,00 |
|
5 |
Curso de prevención de riscos laborais en adegas e tarefas vitivinícolas. |
6 |
12.300,00 |
|
Total |
36 |
117.875,00 |
|
6. Garantías.
a) Garantía provisional: non se exixe.
b) Garantía definitiva: 5 % do importe de adxudicación para cada un dos lotes.
7. Obtención de documentación e información: Servizo de Administración Xeral do Issga. Casa da Parra, praza da Quintana, s/n, 15704 Santiago de Compostela. Tfno.: 881 99 93 34, fax: 881 99 94 33. Correo electrónico: issga.subdireccionpersoal@xunta.es
8. Perfil do contratante: http://www.contratosdegalicia.es/resultado.jsp?N=18640
9. Requisitos específicos do contratista.
a) Clasificación: non se exixe.
b) Solvencia económica e financeira e solvencia técnica e profesional: deberán xustificarse polos medios sinalados respectivamente na cláusula 4.3.7) e 4.3.8) do PCAP.
10. Presentación de proposicións.
a) Data límite de presentación: décimo quinto día natural a partir do seguinte ao da publicación desta resolución no Diario Oficial de Galicia, agás que o último día sexa sábado ou inhábil, caso no que se prorrogará o prazo ao seguinte día hábil.
b) Documentación que hai que presentar: a sinalada na cláusula 4.2 do PCAP.
c) Lugar e forma de presentación: Rexistro Xeral do Issga, situado na praza da Quintana de Vivos, s/n, 15704 Santiago de Compostela. Cando a documentación se envíe por correo, o licitador deberá xustificar a data de imposición do envío na oficina de Correos e anunciarlle ao órgano de contratación, no mesmo día, a remisión da oferta mediante fax, télex ou telegrama. Esta notificación cursarase ao Servizo de Administración Xeral do Issga referido no punto 7.
11. Apertura das ofertas: terá lugar na sala de xuntas da Consellería de Traballo e Benestar, edificio administrativo San Lázaro, s/n (planta 0), ás 10.00 horas do oitavo día natural seguinte ao do peche do prazo de admisión de ofertas. No caso de que este día coincida en sábado ou festivo, a apertura das proposicións terá lugar o día hábil seguinte.
12. Gastos do anuncio: serán por conta dos/as adxudicatarios/as do contrato e imputaranse proporcionalmente ao orzamento de cada un dos lotes dos que resultasen adxudicatarios.
Santiago de Compostela, 8 de abril de 2013
Adela Quinzá-Torroja García
Directora do Instituto Galego de Seguridade e Saúde Laboral
