Por non ser posible notificala polo servizo de Correos, e de conformidade co disposto no artigo 59.5 da Lei 30/1992, do 26 de novembro, de réxime xurídico das administracións públicas e do procedemento administrativo común (BOE núm. 285, do 27 de novembro), notifícaselle mediante este anuncio ao interesado que se sinala no anexo a resolución do procedemento para deixar sen efecto a resolución de concesión da axuda e declarar a perda do dereito ao cobramento relativo ao expediente de reestruturación e reconversión de viñedo núm. 32-10-079.

O interesado poderá comparecer, no prazo de dez días hábiles, contados desde o seguinte ao da publicación deste anuncio no Diario Oficial de Galicia, nas dependencias da Dirección Xeral de Produción Agropecuaria, Servizo de Explotacións Agrarias, situada no Edificio Administrativo San Caetano, 15781 Santiago de Compostela, das 9.00 ás 14.00 horas, de luns a venres, para o coñecemento do contido íntegro da dita resolución e a súa constancia.

Transcorrido o dito prazo sen se efectuar a comparecencia, a notificación entenderase producida desde o día seguinte ao da data da súa finalización.

Concédeselle ao interesado un prazo de quince días hábiles, contados a partir do seguinte ao da notificación da resolución, para que poida presentar alegacións e achegar a documentación que considere conveniente ao seu dereito ante a Consellería do Medio Rural e do Mar.

Santiago de Compostela, 18 de abril de 2013

Patricia Ulloa Alonso
Directora xeral de Produción Agropecuaria

ANEXO

Expediente: procedemento para deixar sen efecto a resolución de concesión e declarar a perda do dereito ao cobramento da subvención concedida no expediente de axuda á reestruturación e reconversión de viñedo núm. 32-10-079.

Interesado: Rafael Palacios Muro.

Último domicilio coñecido: praza Andrés de Prada, 3, 32300 O Barco de Valdeorras, Ourense.

Acto de notificación: resolución.