Óscar Rivera López solicitou desta alcaldía licenza para construción de corte libre para 60 vacas e fosa de xurro, que se situará na parroquia de Lamaigrexa, lugar de Lamaigrexa, deste termo municipal. En cumprimento do disposto no artigo 8 do Decreto 133/2008, do 12 de xuño, de avaliación de incidencia ambiental, sométese a información pública por un prazo de vinte días hábiles co fin de que durante este, que comezará a contarse desde o día seguinte ao da inserción deste edicto no Diario Oficial de Galicia, poidan examinar o expediente, na Secretaría deste concello, as persoas que dalgún modo se consideren afectadas pola actividade que se pretende instalar e formular por escrito as reclamacións ou observación que xulguen oportunas.
A Pobra do Brollón, 23 de marzo de 2013
José Luis Maceda Vilariño
Alcalde