O 1 de abril de 2013, a Xefatura Territorial da Consellería de Sanidade de Lugo ditou acordo de inicio do expediente sancionador 2013040TA-LU, incoado a Marcos Chousa Rivas, titular do establecemento café bar Pasatempos.
Intentada a notificación deste acordo segundo o disposto no artigo 59 da Lei 30/1992, do 26 de novembro, de réxime xurídico das administracións públicas e do procedemento administrativo común, modificada por Lei 4/1999 do 13 de xaneiro, e non sendo posible a súa práctica, por medio da presente cédula, e ao abeiro do disposto no número 5 do referido artigo, notifícase a Marcos Chousa Rivas, titular do establecemento café bar Pasatempos, o contido do referido acordo que figura como anexo para que poida ter coñecemento del.
Así mesmo fáiselle saber o dereito que o asiste, ao abeiro do disposto no numero 1 do artigo 16 do Real decreto 1398/1993, do 4 de agosto, polo que se aproba o regulamento para o exercicio da potestade sancionadora, para presentar alegacións ante esta xefatura territorial no prazo de 15 días hábiles, contados desde o seguinte ao da publicación da presente cédula, e recórdaselle o seu dereito a consultar o expediente, depositado nas dependencias da Xefatura Territorial, sita na rúa Montevideo, nº 9, Lugo, e obter, se é o caso, copia del, segundo o previsto na letra a) do artigo 35 da Lei 30/1992, do 26 de novembro.
Apercíbeselle tamén de que de non efectuar alegacións sobre o contido do dito acordo no citado prazo, a iniciación poderá ser considerada proposta de resolución cando conteña un pronunciamento preciso acerca da responsabilidade imputada, cos efectos previstos nos artigos 18 e 19 do citado regulamento.
A presente cédula expídese para que conste e lle sirva de notificación ao interesado, en cumprimento co disposto no artigo 59.5 da xa citada Lei 30/1992, do 26 de novembro.
Lugo, 22 de abril de 2013
Purificación Rivas Varela
Xefa territorial de Lugo
ANEXO
Nº expediente: 2013040TA-LU.
Denunciado: Marcos Chousa Rivas, titular do establecemento café bar Pasatempos.
NIF: 33351965X.
Último enderezo coñecido: avenida Benigno Quiroga, número 28, baixo, A Pobra de San Xiao, Láncara (Lugo).
Feitos imputados: infracción da lexislación aplicable en materia sanitaria.
Preceptos presuntamente infrinxidos: artigos 7.u) e 19.3.b) da Lei 28/2005, do 26 de decembro, de medidas sanitarias fronte ao tabaquismo e reguladora da venda, a subministración, o consumo e a publicidade dos produtos do tabaco, modificada pola Lei 42/2010, do 30 de decembro.
Tipificación provisional: grave.
Sanción proposta: mil douscentos euros (1.200,00 €).