Visto o expediente para outorgamento de autorización administrativa e de aprobación do proxecto de execución da instalación eléctrica que a seguir se cita:
Solicitante: Unión Fenosa Distribución, S.A.
Domicilio social: avenida de Arteixo, 171, 15007 A Coruña.
Denominación: LMTS, CTC rúa República Argentina.
Situación: concello de Ordes.
Características técnicas:
– Liña de media tensión soterrada a 20 kV, cunha lonxitude de 0,030 km, coa orixe en empalmes proxectados na LMTS SMC-809, tramo entre o CT Rosalía de Castro, 14 (expediente IN407A 1999/10) e CT Alameda Ordes (expediente IN407A 1998/302), en condutor tipo RHZ1-2OL 12/20 kV 3(1×240) mm² Al, e final na mesma liña unha vez entre e saia no CT República Argentina proxectado.
– Centro de transformación (CT) non prefabricado, cunha potencia de 400 kVA e unha relación de transformación de 20/0,400-0,230 kV.
Cumpridos os trámites ordenados na Lei 54/1997, do 27 de novembro (BOE nº 285), do sector eléctrico, e no título VII, capítulo II do Real decreto 1955/2000, do 1 de decembro (BOE nº 310), polo que se regulan as actividades de transporte, distribución, comercialización, subministración e procedementos de autorización de instalacións de enerxía eléctrica, esta xefatura territorial resolve:
Autorizar e aprobar o proxecto de execución da dita instalación, cuxas características se axustarán en todas as súas partes ás que figuran nel e ás condicións técnicas e de seguridade establecidas nos regulamentos de aplicación.
Esta autorización outórgase sen prexuízo das concesións e autorizacións que sexan necesarias, de acordo con outras disposicións que resulten aplicables e, en especial, as relativas á ordenación do territorio e o ambiente.
A instalación executarase nun prazo non superior a un ano, contado a partir da data desta resolución.
Contra esta resolución poderase interpor recurso de alzada ante o conselleiro de Economía e Industria no prazo dun mes contado a partir do día seguinte ao da notificación desta resolución; tamén se poderá interpor calquera outro recurso que se considere pertinente.
A Coruña, 9 de abril de 2013
Susana Vázquez Romero
Xefa territorial da Coruña