DOG 93 do 16/05/2013 - RESOLUCIÓN do 24 de abril de 2013, da Dirección de Recursos Económicos, pola que se anuncia a licitación, mediante procedemento aberto, multicriterio, suxeito a regulación harmonizada e tramitación ordinaria, para a adquisición de equipamento electromédico no marco do eixe 6, tema prioritario 76 do programa operativo de Galicia Feder 2007-2013, cofinanciado nun 80 % pola Unión Europea, con destino ao Complexo Hospitalario Universitario A Coruña AB-SER2-13-002 (17 lotes).

VI. Anuncios

a) Administración autonómica

Servizo Galego de Saúde

RESOLUCIÓN do 24 de abril de 2013, da Dirección de Recursos Económicos, pola que se anuncia a licitación, mediante procedemento aberto, multicriterio, suxeito a regulación harmonizada e tramitación ordinaria, para a adquisición de equipamento electromédico no marco do eixe 6, tema prioritario 76 do programa operativo de Galicia Feder 2007-2013, cofinanciado nun 80 % pola Unión Europea, con destino ao Complexo Hospitalario Universitario A Coruña AB-SER2-13-002 (17 lotes).

1. Entidade adxudicadora:

a) Organismo: Servizo Galego de Saúde.

b) Dependencia que tramita o expediente: Dirección de Recursos Económicos. Subdirección Xeral de Investimentos. Servizo de Montaxe e Equipamento.

c) Número do expediente: AB-SER2-13-002.

2. Obxecto do contrato:

a) Tipo de contrato: subministración.

b) Descrición do obxecto: adquisición de equipamento electromédico.

c) División por lotes e número: 17 lotes.

d) Lugar de entrega da subministración: Complexo Hospitalario Universitario A Coruña.

e) Prazo máximo de entrega: (lotes 1-15 e lote 17) 45 días naturais e (lote 16) 60 días naturais desde o sinamento do contrato.

3. Tramitación, procedemento e forma de adxudicación:

a) Tramitación: ordinaria.

b) Procedemento: aberto.

c) Forma: adxudicación baseada na pluralidade de criterios.

4. Orzamento base de licitación:

Orzamento sen IVE: 696.152,56 €.

Orzamento con IVE: 766.837,28 €.

5. Garantías:

a) Garantía provisional: non se exixe.

b) Garantía definitiva: 5 % do orzamento de adxudicación.

6. Obtención de documentación e información:

a) Entidade: Consellería de Sanidade-Servizo Galego de Saúde. Dirección de Recursos Económicos. Subdirección Xeral de Investimentos. Servizo de Montaxe e Equipamento.

b) Domicilio: Edificio Administrativo San Lázaro, s/n, 2º andar.

c) Localidade e código postal: 15703 Santiago de Compostela.

d) Teléfonos: 881 54 27 66/881 54 27 68.

e) Telefax: 881 54 86 11.

f) Data límite de obtención de documentos e información: o último día do prazo de presentación de ofertas.

7. Requisitos específicos do contratista:

a) Solvencia económica e financeira: véxase o prego de cláusulas administrativas particulares.

b) Solvencia técnica: véxase o prego de cláusulas administrativas particulares.

8. Presentación das ofertas ou das solicitudes de participación:

a) Data límite de presentación: antes das 14.00 horas do día 31 de maio de 2013.

b) Documentación que hai que presentar: véxase o prego de cláusulas administrativas particulares.

c) Lugar de presentación: Rexistro Xeral da Consellería de Sanidade e Servizo Galego de Saúde. Edificio Administrativo San Lázaro, s/n, 15703 Santiago de Compostela.

d) Prazo durante o cal o licitador estará obrigado a manter a súa oferta: dous (2) meses contados desde a data de apertura das proposicións.

e) Admisión de variantes: non se admiten.

f) Admisión de ofertas conxuntas: si; unha.

9. Apertura das proposicións: a data, hora e lugar de celebración das mesas de apertura dos sobres B e C (acto público) publicaranse no perfil do contratante www.sergas.es

10. Outras informacións: a información relativa ao expediente farase pública na páxina web que se cita neste anuncio.

11. Gastos de anuncios: serán por conta do adxudicatario. O importe estimado máximo está indicado no prego de cláusulas administrativas particulares.

12. Data do envío do anuncio ao Diario Oficial de la Unión Europea: 25.4.2013.

13. Páxina web onde obter información relativa á convocatoria ou onde se poden obter os pregos: www.sergas.es

Santiago de Compostela, 24 de abril de 2013

P.D. (Decreto 43/2013, Orde do 5.7.2012)
Pablo Torres Arrojo
Director xeral de Recursos Económicos