Visto o expediente para outorgamento de autorización administrativa e aprobación do proxecto de execución da instalación eléctrica que a continuación se describe:
Solicitante: Anastasio Bello Fuentes y otros, S.C.
Domicilio social: Vilamaior da Boullosa, s/n, 32632 Baltar.
Denominación: LMT e CT granxa avícola.
Situación: Baltar.
Características técnicas:
LMT aero-subterránea a 20 kV, de 30 m en aéreo e 165 m en subterráneo con condutor RHZ1, con orixe no apoio nº 85 do tramo Xinzo-Baltar 809 Os Blancos-Baltar 9, LMT, ao CT (32CJ15) e remate no CT aéreo proxectado Vilamaior da Boullosa, parcela 276 polígono 503, de 100 kVA e R/T 20.000/400-230 V.
Orzamento: 25.309,44 euros.
Cumpridos os trámites ordenados na Lei 54/1997, do 27 de novembro, do sector eléctrico, e no capítulo II, título VII do Real decreto 1955/2000, do 1 de decembro, polo que se regulan as actividades de transporte, distribución, comercialización, subministración e procedementos de autorización de instalacións de enerxía eléctrica, esta xefatura territorial resolve:
Autorizar e aprobar o proxecto de execución da devandita instalación, cuxas características se axustarán en todas as súas partes ás que figuran nel e ás condicións técnicas e de seguridade establecidas nos regulamentos de aplicación e nos condicionados establecidos polos ministerios, organismos ou corporacións que constan no expediente.
Contra a presente resolución poderá interpoñer recurso de alzada ante o conselleiro de Economía e Industria no prazo dun mes contado a partir do día seguinte ao da notificación desta resolución; tamén poderá interpoñer calquera outro recurso que xulgue pertinente ao seu dereito.
Ourense, 30 de abril de 2013
Gabriel Diéguez Domínguez
Xefe territorial de Ourense