En cumprimento do disposto no número 3 do artigo 8 do Decreto 133/2008, do 12 de xuño, polo que se regula a avaliación de incidencia ambiental, sométese a información pública o expediente AC-44/13-1647, que se tramita neste concello por instancia de José Luis Docampo, S.L., para a instalación de nave industrial para panificadora, na parcela nº 4.18 (antigas parcelas nº 7 a nº 16), da ampliación do polígono industrial de Vilapouca (Ventoxo), neste termo municipal. Durante o prazo de vinte (20) días, contados a partir do seguinte ao da última das publicacións deste edicto que se farán unha no Boletín Oficial da provincia (BOP) de Pontevedra e outra no Diario Oficial de Galicia (DOG), o expediente atópase á disposición do público nas oficinas municipais co fin de que aquelas persoas que dalgún modo se consideren afectadas pola actividade que se pretende instalar poidan formular por escrito as reclamacións ou observacións que consideren oportunas.
Forcarei, 27 de maio de 2013
Belén Cachafeiro Anta
Alcaldesa