O Pleno municipal, en sesión que tivo lugar o 6 de maio de 2013, adoptou o seguinte acordo:
«Primeiro. Cambiar o uso previsto no documento do Plan xeral para a parcela municipal segregada do CEIP Raquel Camacho, asignando un uso de equipamento público educativo – asistencial ED+AS (Pb).
Segundo. Publicar este acordo no Boletín Oficial da provincia e no Diario Oficial de Galicia.
Terceiro. Notificar este acordo á Consellería de Medio Ambiente, Territorio e Infraestuturas e aos departamentos municipais de Xestión do Solo, Licenzas e Disciplina Urbanística, Sección de Patrimonio Urbanístico, así como á Oficina do SIX de Planeamento.
A documentación exixida polo artigo 92.3 da Lei 9/2002, do 30 de decembro, de ordenación urbanística e protección do medio rural de Galicia, tivo entrada na Consellería de Medio Ambiente, Territorio e Infraestruturas o día 21 de maio de 2013.
Este acordo pon fin á vía administrativa e pódese interpoñer contra el recurso contencioso-administrativo, ante a sala correspondente do Tribunal Superior de Xustiza de Galicia, no prazo de dous meses contado a partir do día seguinte a aquel en que se practique a súa publicación no Diario Oficial de Galicia ou no Boletín Oficial da provincia ou, se é o caso, a súa notificación a quen decida o Pleno municipal, de conformidade co artigo 46 da Lei 29/1998, do 13 de xullo, da xurisdición contencioso-administrativa, sen prexuízo de calquera outro que se considere pertinente.
A Coruña, 21 de mayo de 2013
César de Jesús Otero Grille
Director de Urbanismo