De conformidade co disposto no artigo 59.4º da Lei 30/1992, do 26 de novembro, de réxime xurídico das administracións públicas e do procedemento administrativo común, por non ser posible a notificación a través do servizo de Correos, notifícaselle mediante a publicación no Diario Oficial de Galicia e exposición no taboleiro de edictos do concello de Pontedeume a Jesús Alberto Gómez Tenreiro, con DNI 76410222, en calidade de propietario do vehículo Renault 19 TXE, con matrícula C-5326-AT e número de bastidor VS5B53305K0108084, o seguinte requirimento:
Segundo acta do policía portuario do porto de Viveiro, con NIP 367030, efectuada ás 14.44 horas do día 20 de febreiro de 2013, acta a que se xuntan fotografías, na zona do porto de Viveiro situada detrás da estación de autobuses encóntranse dous vehículos en estado de abandono.
Un deses vehículos é un Renault 19 TXE, de cor gris, con matrícula C-5326-AT e bastidor VS5B53305K0108084, do cal, de acordo cos datos que facilita a Xefatura Provincial de Tráfico de Lugo, é titular na actualidade Jesús Alberto Gómez Tenreiro, con DNI 76410222 e domicilio en Herreros, 8, Pontedeume, vehículo que leva estacionado máis dun mes nese lugar con graves danos, tal e como se aprecia nas fotografías anexas á acta.
Considerando o exposto, e toda vez que na zona onde se encontra o vehículo a entidade pública Portos de Galicia é a Administración competente en materia de xestión de tráfico, de conformidade co disposto no artigo 86.1 do Real decreto lexislativo 339/1990, do 2 de marzo, que aproba o texto articulado da Lei sobre tráfico, circulación de vehículos de motor e seguridade viaria, requírese o titular para que nun prazo máximo dun mes contado desde a notificación do presente proceda a retirar o vehículo da zona de servizo do porto de Viveiro.
No caso de incumprirse o presente requirimento, Portos de Galicia, sen máis trámites, daralle ao vehículo tratamento de residuo e procederá, en consecuencia, ao seu traslado a un centro autorizado de tratamento de vehículos para a súa posterior destrución e descontaminación.
O anterior enténdese sen prexuízo das sancións administrativas que procedan en dereito.
Para o seu exame, o expediente completo encóntrase nas dependencias dos Servizos Centrais de Portos de Galicia, en Área Central, praza de Europa, 5-A, 6º, 15707 Santiago de Compostela.
E para que conste e lle sirva de notificación, e en cumprimento do disposto no artigo 59.4º da Lei 30/1992, do 26 de novembro, de réxime xurídico das administracións públicas e do procedemento administrativo común, expido, asino e selo a presente cédula.
Santiago de Compostela, 28 de maio de 2013
José Ignacio Villar García
Director de Portos de Galicia