A Dirección Xeral de Recursos Económicos, en virtude das atribucions que lle foron conferidas no Decreto 43/2013, do 21 de febreiro, polo que se establece a estrutura orgánica do Servizo Galego de Saúde (DOG núm. 47, do 7 de marzo), anuncia o acordo de inicio do seguinte expediente de contratación:

1. Órgano de contratación.

a) Organismo: Servizo Galego de Saúde, Dirección Xeral de Recursos Económicos,.

b) Enderezo: Edificio Administrativo San Lázaro, s/n, 2ª planta, 15703 Santiago de Compostela (A Coruña).

c) Teléfono: 881 54 73 87.

d) Fax: 881 54 86 11.

2. Obxecto do contrato.

a) Descrición: subministración e instalación dunha sala de hemodinámica no Hospital Universitario Lucus Augusti.

b) Custe estimado IVE excluído: 600.000,00 euros.

3. Relación con algún proxecto ou programa financiado mediante fondos da UE: non.

4. Data de envío do anuncio ao DOUE: 22 de maio de 2013.

Acorda facer público o anuncio indicativo no DOUE, DOG, e no perfil do contratante do Servizo Galego de Saúde (www.sergas.es), segundo o artigo 141 do Real decreto lexislativo 3/2011, do 14 de novembro, polo que se aproba o texto refundido da Lei de contratos do sector público.

Santiago de Compostela, 22 de maio de 2013

Pablo Torres Arrojo
Director xeral de Recursos Económicos