Visto o expediente para outorgamento de autorización administrativa e aprobación do proxecto de execución da instalación eléctrica que a continuación se describe:

Solicitante: Unión Fenosa Distribución, S.A.

Domicilio social: travesía de Vigo 204, 36207 Vigo.

Denominación: LMTS cambio sección CAT 708 do CT Marqués de Alcedo ao CR Hernán Cortés.

Situación: Vigo.

Características técnicas: LMT subterránea a 15 kV con condutor tipo RHZ estruturada en catro tramos:

1. 667 metros; orixe: CT Marqués de Alcedo; final: LMT CAT 7080050 cara ao CT Joaquín Lóriga 29.

2. 88 metros; orixe: LMT CAT 7080049, entre os CC.TT. Praza Elíptica e Joaquín Lóriga 29; final: LMT CAT 7080054, cara ao CT Padre Don Rúa.

3. 88 metros; orixe: CAT 7080049, entre os CC.TT. Praza Elíptica e Joaquín Lóriga 29; final: LMT CAT 7080055, cara ao CT Padre Don Rúa.

4. 644 metros; orixe: CT Lóriga; final: CT Hernán Cortés.

A instalación está situada nas rúas hernán Cortés, Lóriga e Marqués de Alcedo, Vigo.

Cumpridos os trámites ordenados na Lei 54/1997, do 27 de novembro, do sector eléctrico, e no capítulo II, título VII do Real decreto 1955/2000, do 1 de decembro, polo que se regulan as actividades de transporte, distribución, comercialización, subministración e procedementos de autorización de instalacións de enerxía eléctrica, esta xefatura territorial resolve:

Autorizar e aprobar o proxecto de execución das devanditas instalacións, cuxas características se axustarán en todas as súas partes ás que figuran nel e ás condicións técnicas e de seguridade establecidas nos regulamentos de aplicación, e nos condicionados establecidos polos ministerios, organismos ou corporacións que constan no expediente.

Esta autorización outórgase sen prexuízo de terceiros e independentemente das autorizacións, licenzas ou permisos de competencia municipal, provincial ou outros necesarios para a realización das obras das instalacións autorizadas.

O prazo de posta en marcha da instalación, de acordo co artigo 131 do Real decreto 1955/2000, será de 12 meses a partir da recepción da presente resolución. Para os efectos da posible solicitude de prórroga, o peticionario deberá ter en conta o disposto no capítulo IV do Decreto 1775/1967, do 22 de xullo.

Contra a presente resolución poderá interpoñer recurso de alzada ante o conselleiro de Economía e Industria no prazo dun mes contado a partir de día seguinte ao da notificación desta resolución; tamén poderá interpoñer calquera outro recurso que estime pertinente ao seu dereito.

Pontevedra, 28 de maio de 2013

Ignacio Rial Santomé
Xefe territorial de Pontevedra