No Xulgado do Contencioso-Administrativo número 1 de Santiago de Compostela tramítase o recurso 385/2013 (procedemento abreviado), interposto por Severino Figueiras Lestón contra a Resolución do 1 de abril de 2013, notificada o 11 de abril de 2013, da directora xeral de Recursos Humanos do Servizo Galego de Saúde, pola que se desestima o recurso de reposición interposto contra as listas definitivas de admitidos/as e excluídos/as de aspirantes a vinculacións temporais de persoal estatutario do Servizo Galego de Saúde e entidades públicas adscritas á Consellería de Sanidade, segundo proceso de inscrición convocado por Resolución do 14 de marzo de 2012 (DOG número 59, do 14 de marzo) e, así mesmo, contra a base II.7.1 do Pacto sobre selección de persoal estatutario temporal no ámbito do Servizo Galego de Saúde e entidades públicas adscritas á Consellería de Sanidade (DOG número 89, do 9 de maio de 2011). (Categoría: enfermeiro/a).

O que se notifica para xeral coñecemento de todas as persoas interesadas no procedemento, que son emprazadas para que poidan comparecer no xulgado como demandadas no prazo de nove días, de conformidade co previsto no artigo 49 da Lei 29/1998, do 13 de xullo, reguladora da xurisdición contencioso-administrativa.

Santiago de Compostela, 3 de xullo de 2013

Margarita Prado Vaamonde
Directora xeral de Recursos Humanos