A directora da Axencia de Protección da Legalidade Urbanística, con data do 2 de xullo de 2013, ditou a resolución derivada do expediente sancionador e reposición da legalidade número SIL/127/2012, que lle foi incoado a Paloma Naranjo Morodo e Enrique Cayetano Naranjo Morodo, pola execución de obras de construción dunha edificación de uso residencial e varias construcións auxiliares e soleiras, sen a preceptiva autorización autonómica, dentro da servidume de protección do dominio público marítimo-terrestre, no lugar de Castros, termo municipal de Miño (A Coruña).
Ao non poderse realizar a notificación persoal da dita resolución a Paloma Naranjo Morodo, mediante esta cédula e ao abeiro do disposto no artigo 59.5 da Lei 30/1992, de réxime xurídico das administracións públicas e do procedemento administrativo común (LRXPAC), notifícaselle á interesada a dita resolución.
Tendo en conta que, en atención ao previsto no artigo 61 da LRXPAC, o acto non se publica na súa integridade, comunícaselle á interesada que o texto íntegro da resolución que se notifica está á súa disposición nas dependencias da Axencia de Protección da Legalidade Urbanística, situadas no Edificio Witland, 1º andar, Salgueiriños, Santiago de Compostela, para a súa consulta no prazo de dez (10) días hábiles, que se contarán desde o día seguinte ao da publicación desta cédula. Transcurrido o dito prazo, a notificación entenderase producida.
Contra esta resolución, que pon fin á vía administrativa, a interesada poderá interpoñer recurso de reposición no prazo dun mes, contado a partir do día seguinte a aquel en que se teña producido a notificación, ante a directora da Axencia de Protección da Legalidade Urbanística ou ben, se non exerce o seu dereito a presentar recurso de reposición, poderá interpoñer directamente recurso contencioso-administrativo no prazo de dous meses desde o día seguinte ao da presente notificación ante o Xulgado do Contencioso-Administrativo de Santiago de Compostela ou ante a circunscrición onde a recorrente teña o seu domicilio, conforme o disposto no artigo 14.1º, regra segunda, da Lei 29/1998, reguladora da xurisdición contencioso-administrativa.
Para que conste e lle sirva de notificación á interesada, en cumprimento do disposto no artigo 59.5 da citada Lei 30/1992, do 26 de novembro, expido e asino esta cédula.
Santiago de Compostela, 11 de xullo de 2013
María Martínez Allegue
Directora da Axencia de Protección da Legalidade Urbanística