Sométese a información pública o expediente nº 2011/389, tramitado por instancia de Maprovi, S.L. para unha licenza de actividade para distribución e venda de subministracións e efectos de protección para o sector naval, construcións e empresas en xeral, no polígono industrial de Portela, na parroquia de Tameiga deste municipio, segundo o disposto no ordinal 3º do artigo 8 do Decreto 133/2008, do 12 de xuño, polo que se regula a avaliación de incidencia ambiental. Durante o prazo de vinte días, que se contarán a partir do seguinte ao da última publicación do presente edicto no Boletín Oficial da provincia e no Diario Oficial de Galicia, o expediente encóntrase á disposición do público nas oficinas municipais a fin de que quen se considere afectado pola actividade poida examinalo e deducir, se é o caso, as alegacións e observacións que teñan por conveniente.

Mos, 11 de xullo de 2013

Julia Loureiro Campo
Concelleira delegada de Urbanismo