A Xunta de Goberno Local, con data do 9 de agosto de 2013, adoptou o acordo que a continuación se transcribe:
«Primeiro. Aprobar inicialmente o complementario do texto refundido do proxecto de expropiación para a obtención dos bens e dereitos afectados para a execución do enlace da terceira rolda coa autovía AC-14 nas Lonzas. Clave AC/01/076.03.3M1. O importe do presente proxecto de expropiación ascende a 90.656,86 euros e existe crédito adecuado e suficiente con cargo á partida 30.151.600.05. do orzamento do ano 2013, código de proxecto 2004-2-PATRI-12.
Segundo. Optar polo procedemento de taxación conxunta para a determinación do prezo xusto.
Terceiro. Someter o citado expediente a información pública polo prazo dun mes para os efectos de alegacións con notificación individual aos titulares de bens e dereitos que aparecen no expediente, mediante traslado literal da correspondente folla de valoración e da proposta de fixación dos criterios de valoración, para que no prazo dun mes contado desde o día seguinte á recepción da notificación, formulen alegacións e acheguen os títulos que os acrediten como propietarios ou titulares doutros dereitos, se é o caso».
De conformidade co disposto no artigo 143.2 e 3 da Lei 9/2002, de ordenación urbanística e protección do medio rural de Galicia, o citado expediente sométese a información pública polo prazo dun mes para que os que poidan resultar interesados formulen as observacións e reclamacións que consideren pertinentes.
Para estes efectos, indícase que o expediente pode consultarse durante o prazo dun mes nas dependencias da Área de Urbanismo (praza Indalecio Prieto, nº 1, Antigo Cuartel de Intendencia), de luns a venres.
A Coruña, 12 de agosto de 2013
César de Jesús Otero Grille
Director de Urbanismo