A aprobación da modificación da relación de postos de traballo dos órganos superiores dependentes da Presidencia da Xunta de Galicia xustifícase pola necesidade da súa adaptación ao Decreto 88/2013, do 30 de maio, de estrutura orgánica dos órganos superiores e de dirección dependentes da Presidencia da Xunta de Galicia (DOG núm. 113, do 14 de xuño).
Mediante o Decreto 235/2012, do 5 de decembro, polo que se fixa a estrutura orgánica da Vicepresidencia e das consellerías da Xunta de Galicia (DOG núm. 233, do 7 de decembro), a Asesoría Xurídica Xeral e a Secretaría Xeral de Igualdade pasan a depender da Vicepresidencia e Consellería de Presidencia, Administracións Públicas e Xustiza, mentres que a Secretaría Xeral de Modernización e Innovación Tecnolóxica transfórmase na Axencia para a Modernización Tecnolóxica de Galicia e a Secretaría Xeral de Turismo na Axencia Turismo de Galicia nos termos previstos nos decretos 252/2011, do 15 de decembro (DOG núm. 10, do 16 de xaneiro de 2012) e 196/2012, do 27 de setembro (DOG núm. 193, do 9 de outubro), polo que se crean e aproban respectivamente, os seus estatutos.
En consecuencia, por proposta da Presidencia da Xunta de Galicia, consultadas as organizacións sindicais presentes na Mesa Xeral de Negociación da Comunidade Autónoma e a Comisión de Persoal, o Consello da Xunta de Galicia na súa reunión do día 5 de setembro de 2013, adoptou o seguinte
ACORDO:
Primeiro. Apróbase a modificación da relación de postos de traballo dos órganos superiores dependentes da Presidencia da Xunta de Galicia, nos termos que se sinalan nos anexos a este acordo.
Segundo. Ordénase a súa publicación no Diario Oficial de Galicia para os efectos da súa entrada en vigor a partir do día seguinte ao da súa publicación.
Terceiro. Indícanse que postos de traballo constitúen unha excepción na Secretaría Xeral de Medios, na Dirección Xeral de Comunicación, na Secretaría Xeral da Emigración e na Secretaría Xeral para o Deporte ao disposto no artigo 30 do Decreto lexislativo 1/2008, do 13 de marzo, polo que se aproba o texto refundido da Lei da función pública de Galicia, modificado pola Lei 15/2010, do 28 de decembro, de medidas fiscais e administrativas, poderanse cubrir polo sistema de libre designación con convocatoria pública os postos que se indican a continuación:
Libre designación:
CÓDIGO DO POSTO |
DENOMINACIÓN |
CRITERIO |
PX.201.00.000.15770.022 |
XEFATURA SECCIÓN APOIO TÉCNICO E HABILITACIÓN |
Especial responsabilidade por xestionar información especialmente reservada da Xunta de Galicia. (Acordo do Consello da Xunta de Galicia do 5 de agosto de 2010, DOG núm. 171, do 6 de setembro) |
PX.499.40.501.36001.001 |
DIRECTOR/A CENTRO DE TECNIFICACIÓN DEPORTIVA |
Carácter directivo. Responsable dun centro en que están internados menores en formación. Centro en que se desenvolven proxectos que poden supoñer unha vantaxe competitiva para Galicia. (Acordo do Consello da Xunta de Galicia do 5 de agosto de 2010, DOG núm. 171, do 6 de setembro) |
PX.499.40.501.36001.002 |
SUBDIRECTOR/A |
Visto o acordo adoptado polo Consello da Xunta de Galicia na súa reunión do 5 de setembro de 2013, relativo á aprobación da modificación da relación de postos de traballo dos órganos superiores dependentes da Presidencia da Xunta de Galicia, coa finalidade de cumprir o dito acordo, de conformidade coa Orde da Consellería de Facenda do 8 de xullo de 2013 sobre delegación de competencias na Dirección Xeral da Función Pública (DOG nº 136, do 18 de xullo), dispoño que se publique no Diario Oficial de Galicia como anexo a esta resolución.
Santiago de Compostela, 6 de setembro de 2013
José María Barreiro Díaz
Director xeral da Función Pública