Por instancia da Deputación Provincial de Pontevedra o Concello de Lalín está tramitando o expediente para a obtención da licenza para a construción de novo edificio destinado a laboratorio agroalimentario na Finca Mouriscade, no lugar de Mouriscade, parroquia de Vilanova, Lalín (Pontevedra), expediente núm. 6477/11.

En cumprimento do disposto no artigo 8.3 do Decreto 133/2008, do 12 de xuño, polo que se regula a avaliación da incidencia ambiental, sométese a información pública o expediente mediante anuncios no Diario Oficial de Galicia e no Boletín Oficial de Pontevedra e exposición no taboleiro de anuncios do concello, para que poida ser examinado no Departamento de Urbanismo-Licenzas e se formulen, de ser o caso, alegacións ou reclamacións a el durante o prazo de vinte días, contados desde o seguinte ao da publicación deste anuncio no DOG.

Lalín, 5 de novembro de 2013

Román Rodríguez González
Concelleiro delegado de Urbanismo