Para os efectos de darlle cumprimento ao solicitado polo Xulgado do Contencioso-Administrativo número 1 da Coruña, en relación co procedemento ordinario núm. 189/2013, interposto por Albito Diéguez Patao e Elisa Pensado Lema, contra a resolución desestimatoria do recurso potestativo de reposición, ditada pola Axencia de Protección da Legalidade Urbanística no expediente de reposición da legalidade núm. IU1/44/2010 e acumulados, pola que se declaran ilegalizables as obras consistentes na construción de seis vivendas unifamiliares e construcións anexas, a apertura dunha nova vía e a ampliación da vía existente no lugar de Reira, concello de Camariñas; esta dirección resolveu ordenar a remisión do correspondente expediente ao Xulgado do Contencioso-Administrativo número 1 da Coruña.
Polo exposto, mediante esta resolución emprázase a Eva Rey Álvarez para que poida comparecer como interesada nos autos no prazo de nove días, de acordo co disposto no artigo 49.1 de la Lei 29/1998, do 13 de xullo, reguladora da xurisdición contencioso-administrativa.
Santiago de Compostela, 11 de novembro de 2013
María Martínez Allegue
Directora da Axencia de Protección da Legalidade Urbanística