Visto o expediente para outorgamento de autorización administrativa e aprobación do proxecto de execución dunha instalación eléctrica que a continuación se describe:
Solicitante: Consellería de Cultura, Educación e Ordenación Universitaria.
Domicilio social: Vicente Ferres, 2, 15008 A Coruña.
Denominación: CS e CT para alimentación IES As Mariñas.
Situación: avenida da Coruña, Betanzos.
Características técnicas: centro de seccionamento prefabricado, formado por cela de entrada, cela de saída e cela de liña, 24 kV, 400 A. Liña de enlace entre CS e CT en cable RHZ1-2OL-12/20 kV, 3×(195 mm2 Al), lonxitude 4 m. Centro de transformación prefabricado composto por cela de entrada de liña, cela de protección, cela de medida, 24 kV, 400 V e transformador refrixeración natural en aceite 15/20 kV-400 V, 250 kVA.
Cumpridos os trámites ordenados na Lei 54/1997 do 27 de novembro, do sector eléctrico, e no capítulo II, título VII do Real decreto 1955/2000, do 1 de decembro, polo que se regulan as actividades de transporte, distribución, comercialización, subministración e procedementos de autorización de instalacións de enerxía eléctrica, esta xefatura territorial resolve:
Autorizar e aprobar o proxecto de execución das devanditas instalacións, cuxas características se axustarán en todas as súas partes ás que figuran neste e ás condicións técnicas e de seguridade establecidas nos regulamentos de aplicación e nos condicionados establecidos polos ministerios, organismos ou corporacións que constan nos expedientes.
Contra a presente resolución poderá interpoñer recurso de alzada ante o conselleiro de Economía e Industria no prazo dun mes contado a partir do día seguinte ao da notificación desta resolución; tamén poderá interpoñer calquera outro recurso que estime pertinente ao seu dereito.
A Coruña, 25 de novembro de 2013
Susana Vázquez Romero
Xefa territorial da Coruña