Julián Rodicio Rodicio, notario do Ilustre Colexio de Galicia, con residencia en Porto do Son, fago saber:
Que na miña notaría, sita na avenida de Galicia, nº 11-12, entreplanta B, 15970 Porto do Son (A Coruña) se tramita venda extraxudicial, conforme o artigo 129 da Lei hipotecaria, do seguinte predio hipotecado:
Integrante dun edificio sito no lugar de Aguieira, parroquia de Nebra, municipio de Porto do Son:
Urbana. Número dous de división horizontal. Vivenda sita no piso primeiro, de cento cinco metros cadrados de superficie útil. Linda: dereita entrando, esquerda e fondo, o propio predio en que se sitúa a edificación; fronte, estrada.
Ten como anexo o resto do terreo unido á edificación, de 537 metros cadrados, no cal se acha encravado un pozo de auga e as súas canalizacións para servizo de todo o edificio.
Cota: 33 por cento.
Inscrición: Rexistro da Propiedade de Noia, no tomo 1.048 do arquivo, libro 139 de Porto do Son, folio 160, predio rexistral 14.648.
Procedendo a poxa do predio, fanse saber as súas condicións:
A poxa terá lugar na miña notaría, no trinta de xaneiro de dous mil catorce, ás trece horas, co tipo base de 128.864,94 euros.
A documentación e certificación do Rexistro a que se refiren os artigos 236.a) e 236.b) do Regulamento hipotecario poden consultarse na notaría de luns a venres das 9.30 ás 14.00 horas, exceptuando festivos. Entenderase que todo licitador acepta como bastante a titulación achegada. As cargas, gravames, e asentos anteriores á hipoteca que se execute continuarán subsistentes. Os licitadores deberán consignar, previamente á poxa, na notaría, unha cantidade equivalente ao 30 por 100 do tipo que corresponde á poxa, mediante cheque bancario a nome do notario. Poderán facerse ofertas por escrito en prego pechado, xuntando o comprobante do depósito previo, ata o momento da poxa. Só a adxudicación a favor do acredor requirente ou o remate a favor deste ou dun acredor posterior poderá facerse a calidade de ceder a un terceiro.
Porto do Son, 16 de decembro de 2013
Julián Rodicio Rodicio
Notario
