Gamesa Eolica, S.A., con CIF B31907330, solicitou unha licenza para a ampliación de nave almacén e a modificación non substancial de actividade na parcela 52 do parque empresarial de Sigüeiro, e neste concello tramítase o expediente da licenza da dita actividade.
En cumprimento do artigo 8.3 do Decreto 133/2008, do 12 de xuño, polo que se regula a avaliación de incidencia ambiental, procédese a abrir período de información pública polo prazo de vinte días desde a inserción deste anuncio no DOG e no BOP, para que quen se vexa afectado dalgún xeito pola dita actividade presente as observacións que considere pertinentes.
De conformidade co artigo 59.5 da Lei 30/1992, do 26 de novembro, de réxime xurídico das administracións públicas e do procedemento administrativo común, por medio deste anuncio comunícaselles aos interesados, aos cales non sexa posible notificar persoalmente, que están notificados para todos os efectos, e advírteselles que teñen un prazo de vinte días, contados a partir do día seguinte ao da notificación, para alegar o que consideren oportuno.
O expediente obxecto desta información atópase depositado nas dependencias deste concello (UR-083/2013) e podéndose consultar durante o horario de oficina.
Oroso, 20 de novembro de 2013
Manuel Mirás Franqueira
Alcalde presidente