Descargar PDF Galego | Castellano| Português

DOG - Xunta de Galicia -

Diario Oficial de Galicia
DOG Núm. 41 Venres, 28 de febreiro de 2014 Páx. 8718

IV. Oposicións e concursos

Servizo Galego de Saúde

RESOLUCIÓN do 10 de febreiro de 2014, da Xerencia de Xestión Integrada de Vigo, pola que se anuncia a Resolución 5/2013, do 16 de decembro, de convocatoria pública para a provisión, polo sistema de avaliación colexiada, do posto de xefe/a da Sección de Medicina Interna.

De conformidade co establecido no Decreto 206/2005, do 22 de xullo, de provisión de prazas de persoal estatutario do Servizo Galego de Saúde, e a Orde de 24 de maio de 2006 pola que se establecen as bases do procedemento para a provisión dos postos de xefatura e coordinación das institucións sanitarias do Servizo Galego de Saúde, en virtude das competencias atribuídas polo Decreto 168/2010, do 7 de outubro, polo que se establece a estrutura organizativa de Xestión Integrada do Servizo Galego de Saúde, e da Orde do 5 de xullo de 2012 sobre delegación de competencias en órganos centrais e periféricos do Servizo Galego de Saúde (DOG nº 139, do 20 de xullo), o xerente de Xestión Integrada de Vigo

RESOLVE:

Primeiro. Anunciar a convocatoria para cubrir, polo sistema de avaliación colexiada, o posto de xefe/a da Sección de Medicina Interna de Xestión Integrada de Vigo, segundo se especifica no anexo desta resolución.

Segundo. As bases da citada convocatoria estarán expostas nos taboleiros de anuncios das oficinas da Dirección de Recursos Humanos de Xestión Integrada de Vigo e na páxina web do Servizo Galego de Saúde (www.sergas.es).

Terceiro. As solicitudes e a documentación anexa que conteña a xustificación dos requisitos e méritos alegados deberán presentarse en calquera dos rexistros de entrada de Xestión Integrada de Vigo, dirixidas ao xerente, no prazo de vinte (20) días hábiles contados desde o día seguinte ao da publicación do anuncio desta convocatoria no Diario Oficial de Galicia.

Así mesmo, poderán presentarse a través de calquera dos rexistros previstos no artigo 38 da Lei 30/1992, do 26 de novembro, de réxime xurídico das administracións públicas e do procedemento administrativo común.

Vigo, 10 de febreiro de 2014

Mario González González
Xerente de Xestión Integrada de Vigo

ANEXO

Denominación do posto: xefe/a da Sección de Medicina Interna de Xestión Integrada de Vigo.

Procedemento de provisión: avaliación colexiada.

Nº de vacantes: 1.