1. Entidade adxudicadora.
a) Organismo: Axencia para a Modernización Tecnolóxica de Galicia.
b) Dependencia que tramita o expediente: Departamento de Contratación.
c) Número de expediente: 35/2014.
2. Obxecto do contrato.
a) Descrición do obxecto: subministración de diversas ampliacións para sistemas de almacenamento existentes na Xunta de Galicia coa finalidade de dimensionalos axeitadamente para os procesos de consolidación e homoxeneización.
b) División por lotes e número: si, 3.
c) Prazo e lugar de entrega: o prazo de entrega da subministración obxecto do presente contrato será de 3 meses contados a partir da data de formalización do contrato, sen prexuízo da realización das actuacións derivadas da entrega, que se estenderán durante o prazo de garantía. Neste prazo os equipamentos que se vaian subministrar deberán estar instalados, configurados e postos en produción.
A entrega efectuarase no lugar indicado polo órgano de contratación, en Santiago de Compostela.
d) Admisión de prórroga: non.
3. Tramitación e procedemento de adxudicación.
a) Tramitación: ordinaria.
b) Procedemento: aberto.
4. Orzamento de licitación: o orzamento máximo autorizado é de 2.784.000,00 €, máis 584.640,00 € que corresponden ao IVE (21 %), o que supón un total de 3.368.640,00 € (tres millóns trescentos sesenta e oito mil seiscentos corenta euros), que se distribuirán segundo os lotes:
– Lote 1: ampliación de directores Fibre Channel:
512.000,00 € + IVE (107.520,00 €) = 619.520,00 €.
– Lote 2: ampliación dos sistemas de almacenamento EMC VNX 7500:
1.136.000,00 € + IVE (238.560,00 €) = 1.374.560,00 €.
– Lote 3: ampliación dos sistemas de almacenamento NetApp 3270:
1.136.000,00 € + IVE (238.560,00 €) = 1.374.560,00 €.
Este proxecto poderá ser financiado nun 80 % co Fondo Europeo de Desenvolvemento Rexional (Feder) e nun 20 % co Fondo de Compensación Interterritorial (FCI), no marco do programa operativo Feder Galicia 2007-2013, eixe 1, tema prioritario 13.
5. Garantía provisional: non se exixe.
6. Obtención da documentación e da información:
a) Entidade: Axencia para a Modernización Tecnolóxica de Galicia.
b) Dirección: Edificio CINC, Monte Gaiás, s/n.
c) Localidade e código postal: Santiago de Compostela, 15781.
d) Teléfono: 981 54 52 86.
e) Fax: 981 54 52 74.
f) Perfil do contratante: http://www.contratosdegalicia.es/resultado.jsp?N=20231
g) Data límite de obtención de documentos e da información: ata o último día de presentación das proposicións.
7. Requisitos específicos do contratista.
a) Solvencia: véxase a letra N) do prego de cláusulas administrativas particulares.
8. Presentación de ofertas.
a) Data límite de presentación: 15.4.2014.
b) Documentación que deberá presentarse: a indicada no prego de cláusulas administrativas particulares.
c) Lugar de presentación:
1. Entidade: Rexistro da Amtega.
2. Dirección: Centro de Innovación Cultural e Modernización Tecnolóxica de Galicia, Cidade da Cultura de Galicia, Monte Gaiás, s/n.
3. Localidade e código postal: Santiago de Compostela, 15781.
Cando a proposición se envíen por correo, deberá cumprirse o establecido no punto 11 das disposicións xerais do prego de cláusulas administrativas particulares.
d) Admisión de variantes: non se admiten.
9. Apertura das ofertas:
O lugar, o día e a hora de apertura da documentación relativa aos sobres 1 e 2 indicaranse no perfil do contratante.
10. Criterios que servirán de base para a adxudicación do contrato e a súa ponderación: os sinalados na letra K da folla de especificacións do prego de cláusulas administrativas particulares.
11. Gastos dos anuncios: serán por conta do adxudicatario.
12. Data de envío do anuncio previo ao DOUE: 16.1.2014.
13. Data de envío do anuncio de licitación ao DOUE: 17.3.2014.
Santiago de Compostela, 17 de marzo de 2014
Mar Pereira Álvarez
Directora da Axencia para a Modernización Tecnolóxica de Galicia