O Pleno do Concello da Rúa, en sesión que tivo lugar o 3 de marzo de 2014, adoptou, entre outros, o seguinte acordo:

Primeiro. Aprobar definitivamente o estudo de detalle para fixar aliñacións na estrada OU-533, rúa Progreso deste concello, promovido por Antonio Vila Ouro e segundo documento redactado polo Gabinete de Arquitectura X.D.F., arquitectos José Martínez e Daniel Rodríguez.

Segundo. Publicar este acordo no DOG e o documento que conteña a normativa e as ordenanzas no BOP de Ourense, ao abeiro do disposto no artigo 92.2 da Lei 9/2002, do 30 de decembro, de ordenación urbanística e protección do medio rural de Galicia.

Terceiro. Comunicar á Consellería de Medio Ambiente, Territorio e Infraestruturas, conforme o disposto no artigo 92.3 da Lei 9/2002, do 30 de decembro, de ordenación urbanística e protección do medio rural de Galicia, o acordo de aprobación definitiva do dito estudo de detalle e darlle á vez traslado dunha copia autenticada de dous exemplares do instrumento aprobado definitivamente con todos os planos e documentos que o integran sobre o que recaese o acordo de aprobación definitiva, debidamente dilixenciados polo secretario do Concello, facendo constar no anuncio de aprobación definitiva a remisión da documentación á Consellería de Medio Ambiente, Territorio e Infraestruturas.

Cuarto. Notificarlles o contido íntegro deste acordo aos interesados, e advertirlles que este acordo pon fin á vía administrativa e contra el se poderá interpor recurso contencioso-administrativo no prazo de dous meses contados desde a súa notificación ou publicación, perante o Tribunal Superior de Xustiza de Galicia, sen prexuízo de calquera outro recurso ou acción que coiden oportuno.

A documentación exixida polo artigo 92.3 da Lei 9/2002, do 30 de decembro, de ordenación urbanística e protección do medio rural de Galicia, tivo entrada na Consellería de Medio Ambiente, Territorio e Infraestruturas da Xunta de Galicia, con data do 6 de marzo de 2014.

Este acordo pon fin á vía administrativa, e poderase interpoñer contra el recurso contencioso-administrativo, ante a sala correspondente do Tribuntal Superior de Xustiza de Galicia, no prazo de dous meses contados a partir do día seguinte a aquel en que se practique a súa publicación no Diario Oficial de Galicia ou no Boletín Oficial da provincia de Ourense, de conformidade co artigo 46 da Lei 29/1998, do 13 de xullo, da xurisdición contencioso-administrativa, sen prexuízo de calquera outra que se considere pertinente.

O estudo de detalle entrará en vigor aos quince días hábiles da publicación da normativa no Boletín Oficial da provincia de Ourense (artigo 70.2 da Lei 7/1985, do 2 de abril, reguladora das bases do réxime local).

A Rúa, 6 de marzo de 2014

Avelino García Ferradal
Alcalde