Celtic Mink, S.L. presentou nestas dependencias o estudo de impacto ambiental relativo ao proxecto de construción de 48 naves para cría de visóns no lugar das Carpaceiras-A Graña de Umia (Quintillán), no concello de Forcarei.

O dito estudo recibiu informe favorable da Secretaría Xeral de Calidade e Avaliación Ambiental da Xunta de Galicia como órgano ambiental competente para avaliar o impacto ambiental dos proxectos (clave 2013/0105).

En cumprimento do disposto no artigo 9.1 do Real decreto lexislativo 1/2008, do 11 de xaneiro, polo que se aproba o texto refundido da Lei de avaliación de impacto ambiental de proxectos, sométese a información pública o referido estudo de impacto ambiental, que foi redactado polos enxeñeiros técnicos agrícolas Ramón Martínez Mouriño, Gabino Grande Toro e Manuel Sangiao Sanmartín, visado no Colexio Oficial de Enxeñeiros Técnicos Agrícolas da Coruña-Pontevedra, o 24 de xuño de 2014, co nº 275/14 (Po).

Os interesados poden examinar o referido documento e demaís información que integra o expediente, nas oficinas municipais deste concello, como órgano substantivo, polo prazo de 30 días hábiles, que comezará a contar desde o seguinte ao da publicación deste edicto no Boletín Oficial da provincia de Pontevedra e no Diario Oficial de Galicia (o último en publicarse) e formular, por escrito, as reclamacións ou observacións que consideren convenientes.

Forcarei, 30 de xuño de 2014

Belén Cachafeiro Anta
Alcaldesa