De conformidade co disposto nos artigos 59.5 e 61 da Lei 30/1992, do 26 de novembro, de réxime xurídico das administracións públicas e do procedemento administrativo común, modificado pola Lei 4/1999, do 13 de xaneiro (BOE nº 13, do 14 de xaneiro), notifícaselle á persoa que a continuación se indica a resolución do expediente administrativo instruído de conformidade co disposto no artigo 172 e seguintes do Código civil, por non ser posible a dita notificación no último domicilio que consta no expediente obrante nesta xefatura territorial.
O interesado poderá interpoñer recurso ante o Xulgado de Primeira Instancia de Pontevedra que por quenda corresponda, no prazo de dous meses desde o día seguinte ao da publicación desta resolución, sen necesidade de reclamación administrativa previa, de conformidade co disposto no artigo 780 da Lei 1/2000, do 7 de xaneiro, de axuizamento civil.
O correspondente expediente figura no Servizo de Familia e Menores da Xefatura Territorial de Vigo da Consellería de Traballo e Benestar.
– Nº expediente: 2014/23-5.
– Interesado: José Luis Melín Guerreiro.
– Enderezo: descoñecido.
– Asunto: notificación dunha resolución administrativa do 15 de xullo de 2014.
Vigo, 11 de agosto de 2014
María Peón Fernández
Xefa territorial de Vigo