Logo de solicitarse nesta alcaldía licenza municipal para a regularización, ampliación e reforma de explotación de porcino a nome de Manuel Lamas y otro, S.C., no lugar dos Carrís, Pontella, do concello de Malpica de Bergantiños, dando cumprimento ao disposto no artigo 8.3 do Decreto 133/2008, do 12 de xuño, de avaliación de incidencia ambiental, sométese a exposición pública a citada actividade.

A información pública será mediante un anuncio no Diario Oficial de Galicia, no Boletín Oficial da provincia e exposición no taboleiro de anuncios do Concello, durante o prazo de vinte días, contados a partir do seguinte ao da última publicación.

A apertura do trámite de información pública notificarase persoalmente aos estremeiros e titulares de dereitos inmediatos ao lugar da localización proposta, para os efectos de que poidan alegar o que consideren oportuno.

En aplicación do disposto no artigo 59.5 da Lei 30/1992, do 26 de novembro, de réxime xurídico das administracións públicas e do procedemento administrativo común (RXAP e PAC), e por resultar descoñecidos os domicilios de Andrés Villar Martínez, Pedro Loureiro Villar e Manuel Romay Loureiro, sirva o presente anuncio de notificación edictal para os efectos de que durante o prazo de dez días, contados a partir do seguinte ao da inserción deste anuncio no BOP, poidan os interesados citados examinar o expediente na Secretaría do Concello e formular as alegacións ou reclamacións que consideren oportunas respecto á actividade de regularización e ampliación que se pretende executar nos Carrís.

Malpica de Bergantiños, 6 de xuño de 2014

Eduardo José Parga Veiga
Alcalde