De conformidade co disposto no artigo 59.5 da Lei 30/1992, do 26 de novembro, de réxime xurídico das administracións públicas e do procedemento administrativo común, notifícaselle á persoa que se relaciona no anexo a resolución de caducidade do expediente sancionador S-P-20.13 por infracción da Lei 8/1995, do 30 de outubro, do patrimonio cultural de Galicia.
Contra esta resolución, que non pon fin á vía administrativa, poderán os interesados interpoñer recurso de alzada ante o secretario xeral da Consellería de Cultura, Educación e Ordenación Universitaria no prazo dun mes contado a partir do día seguinte ao da súa publicación no Diario Oficial de Galicia, de conformidade co disposto no artigo 115 da Lei 30/1992, do 26 de novembro, de réxime xurídico das administracións públicas e do procedemento administrativo común.
Os interesados poderán examinar o expediente no Servizo de Patrimonio Cultural da Xefatura Territorial da Consellería de Cultura, Educación e Ordenación Universitaria en Pontevedra.
O presente anuncio remitirase, así mesmo, ao concello correspondente ao último enderezo coñecido da entidade interesada, en aplicación do artigo 59.5 da Lei 30/1992, co obxecto de que proceda á súa publicación por medio dun anuncio no seu taboleiro de edictos.
Santiago de Compostela, 25 de agosto de 2014
Mercedes Domínguez Francisco
Xefa do Servizo de Vixilancia e Inspección
ANEXO
Nº de expediente: S-P-20.13.
Interesado: Alexandre Miguel Fernández Barbosa. Compra y Venta de Madera.
Último enderezo coñecido: Parada, Cerquido, nº 7, 36475 O Porriño, Pontevedra.
Feitos imputados: corta de árbores e abandono dos seus restos, danos e estragos ocasionados polo uso de maquinaria pesada nas pistas forestais e a apertura de pista para sacar a madeira, no contorno de protección do castro de Santa Tegra, no Concello da Guarda (Pontevedra), sen contar coa previa e preceptiva autorización da Dirección Xeral do Patrimonio Cultural.
Tipificación: artigo 91.h) da Lei 8/1995, do 30 de outubro, do patrimonio cultural de Galicia.
Precepto sancionador: artigo 95 da Lei 8/1995, do 30 de outubro, do patrimonio cultural de Galicia.