Visto o expediente para outorgamento de autorización administrativa e aprobación do proxecto de execución da instalación eléctrica que a seguir se cita:

Solicitante: BEGASA.

Domicilio social: r/ Cidade de Viveiro, 4, 1º, 27002 Lugo.

Denominación: adecuación do apoio de entroncamento de conexión da derivación a novo CTC San Amaro.

Situación: concello de Lugo.

Características técnicas:

Substitución do apoio nº 5 HV 12-400 da LMT derivación a CT Conturiz 1 (13791) por un apoio metálico tipo C2000-14, no cal se instala un paso aéreo a soterrado para LMTS a CTC San Amaro; instálanse tamén dous dispositivos de manobra e protección, un para o CT existente Conturiz 1 e outro para o CT proxectado da urbanización. A lonxitude total da LMT proxectada é de 90 metros en condutor tipo LA-30.

Cumpridos os trámites ordenados na Lei 24/2013, do 26 de decembro, e no Real decreto 1955/2000, do 1 de decembro (BOE núm. 310), polo que se regulan as actividades de transporte, distribución, comercialización, subministración e procedementos de autorización de instalacións de enerxía eléctrica, esta xefatura territorial resolve:

Autorizar e aprobar o proxecto de execución das devanditas instalacións, cuxas características se axustarán en todas as súas partes ás que figuran nel e ás condicións técnicas e de seguranza establecidas nos regulamentos de aplicación e nos condicionados establecidos polos ministerios, organismos ou corporacións que constan no expediente, independentemente das autorizacións, licenzas ou permisos de competencia municipal, provincial ou outros necesarios para a realización das obras das instalacións autorizadas.

Contra esta resolución poderase interpor recurso de alzada ante o conselleiro de Economía e Industria no prazo dun mes, contado a partir do día seguinte ao da notificación desta resolución; tamén se poderá interpor calquera outro recurso que se considere pertinente.

Lugo, 22 de agosto de 2014

Pilar Fernández López
Xefa territorial de Lugo