O Pleno municipal, en sesión extraordinaria que tivo lugar o 8 de setembro de 2014, acordou aprobar definitivamente o estudo de detalle para ordenar os volumes edificables e concretar as condicións estéticas e de composición para a construción dunha edificación de uso comercial, en substitución da existente na actualidade, nun ámbito localizado entre a avenida de Bértoa, a rúa Xosé Manuel Eirís, a rúa Gustavo Freire e a rúa Fernando Camarot, promovido pola entidade Lidl Supermercados, S.A.U., que afecta directamente as parcelas catastrais 5758032NH2855N0001KM, 5758015NH2855N0001AM e 5758016NH2855N0001BM.
Así mesmo, faise constar que o 26 de setembro de 2014 se remitiu á Secretaría Xeral de Ordenación do Territorio da Consellería de Medio Ambiente, Territorio e Infraestruturas unha copia autenticada de dous exemplares do documento debidamente dilixenciado polo secretario do Concello.
Carballo, 29 de setembro de 2014
Evencio Ferrero Rodríguez
Alcalde