Visto o expediente para outorgamento de autorización administrativa e aprobación do proxecto de execución da instalación eléctrica que a seguir se cita:
Solicitante: Concello de Abadín.
Domicilio social: avenida Galicia, 29, Abadín, Lugo.
Denominación: soterramento da LMT na estrada de Fanoi e RBT na N-634 no concello de Abadín.
Situación: concello de Abadín.
Características técnicas:
– Liña de media tensión ao centro de transformación Abadín soterrada a 20 kV con orixe na LMT circunvalación Abadín e final no CT Abadín, cunha lonxitude de 650 metros en condutor tipo RHZ-240 mm.
– Centro de transformación Abadín prefabricado tipo Ormaset, no cal se instalan tres celas de liña e unha de protección de trafo, cunha potencia proxectada de 630 kVA e unha relación de transformación de 20.000/400-230 V.
– Redes de baixa tensión soterradas con orixe no CT Abadín proxectado e final na RBT N-634 cunha lonxitude de 205 metros en condutor tipo XZ1 1×150 AI.
Cumpridos os trámites ordenados na Lei 54/1997, do 27 de novembro, e no Real decreto 1955/2000, do 1 de decembro (BOE nº 310), polo que se regulan as actividades de transporte, distribución, comercialización, subministración e procedementos de autorización de instalacións de enerxía eléctrica, esta xefatura territorial resolve:
Autorizar e aprobar o proxecto de execución das devanditas instalacións, cuxas características se axustarán en todas as súas partes ás que figuran nel e ás condicións técnicas e de seguridade establecidas nos regulamentos de aplicación e nos condicionados establecidos polos ministerios, organismos ou corporacións que constan no expediente, independentemente das autorizacións, licenzas ou permisos de competencia municipal, provincial ou outros necesarios para a realización das obras das instalacións autorizadas.
Contra esta resolución poderase interpor recurso de alzada ante o conselleiro de Economía e Industria no prazo dun mes, contado a partir do día seguinte ao da notificación desta resolución; tamén se poderá interpor calquera outro recurso que se considere pertinente.
Lugo, 27 de novembro de 2014
Pilar Fernández López
Xefa territorial de Lugo