A Consellería de Medio Ambiente, Territorio e Infraestruturas, a través da Axencia Galega de Infraestruturas, está a promover a segunda fase dos mapas estratéxicos de ruído das vías pertencentes á Rede Autonómica de Estradas de Galicia. Estes mapas deséñanse para avaliar globalmente a exposición ao ruído nunha zona determinada debido á existencia de distintas fontes de ruído, realizar predicións globais para a dita zona e así mellorar a calidade acústica no noso contorno.
Por todo isto, e de conformidade co disposto na Lei 37/2003, do 17 de novembro, do ruído, no Real decreto 1367/2007, do 19 de outubro, polo que se desenvolve a citada lei, e no Real decreto 1038/2012, do 6 de xullo, polo que se modifica o real decreto anterior, sométense á información pública os mapas estratéxicos de ruído das estradas que a seguir se relacionan:
|
Estrada |
Zona de Ferrol-A Coruña Leste |
Treito/s |
Clave |
Concello/s |
|
AG-64 |
Catabois (AC-116)-Vilalba (A-8) |
0+000 ao 12+450 |
AC/13/037.09.1 |
Narón |
|
AC-115 |
Fene (N-651)-Xuvia (AC-862) |
2+380 ao 4+710 |
AC/13/037.09.2 |
Neda |
|
AC-133 |
Fene (N-651)-Mugardos |
0+000 ao 3+820 |
AC/13/037.09.3 |
Fene |
|
AC-162 |
Sada (AC-163)-Bergondo (AC-164) |
0+000 ao 4+390 |
AC/13/037.09.4 |
Sada, Bergondo |
|
AC-164 |
Guísamo (N-VI)-Insua (N-651) |
0+000 ao 7+240 |
AC/13/037.09.5 |
Bergondo, Paderne |
|
AC-174 |
Perillo (AC-175)-Oleiros (AC-180) |
0+290 ao 5+080 |
AC/13/037.09.6 |
Oleiros |
|
AC-183 |
Sada (AC-162)-Arillo (AC-173) |
0+000 ao 1+170 |
AC/13/037.09.7 |
Sada |
|
AC-215 |
Fonteculler (AC-211)-O Portádego (N-550) |
0+000 ao 0+800 |
AC/13/037.09.8 |
Culleredo |
|
AC-566 |
Narón (AC-862)-O Campo do Hospital (AC-862) |
10+720 ao 12+020 |
AC/13/037.09.9 |
Valdoviño |
|
AC-862 |
Ferrol-lím. prov.-San Cibrao |
3+440 ao 7+330 |
AC/13/037.09.10 |
Narón, Neda |
A duración da información pública será dun mes, contado a partir do día seguinte ao da publicación deste anuncio no Diario Oficial de Galicia, período no cal poderá ser examinada polas persoas que o desexen, co obxecto de formularen as correspondentes alegacións ou suxestións que consideren oportunas.
A exposición ao público, para os efectos do presente anuncio, realízase na Axencia Galega de Infraestruturas (San Caetano s/n, 15781 Santiago de Compostela) e nas respectivas casas dos concellos. Así mesmo, na páxina web da Consellería de Medio Ambiente, Territorio e Infraestruturas (http://www.cmati.xunta.es/tema/c/Infraestruturas_Estradas) está á disposición das persoas interesadas o documento completo de cada un dos treitos referenciados.
Por outra banda, as observacións deberán enviarse á Axencia Galega de Infraestruturas ou poderán ser remitidas a través do seguinte enderezo de correo electrónico:
mapas-ruido.infraestruturas@xunta.es, indicando claramente a actuación á cal van dirixidas e os datos persoais (nome e apelidos, NIF/CIF, enderezo de notificación, núm. de teléfono e enderezo de correo electrónico) da/s persoa/s interesada/s.
O que se fai público para xeral coñecemento en cumprimento do disposto no artigo 14 da Lei 37/2003, do 17 de novembro, do ruído.
Santiago de Compostela, 26 de novembro de 2014
Francisco Menéndez Iglesias
Director da Axencia Galega de Infraestruturas