O Pleno municipal, en sesión realizada o 22 de decembro de 2014, adoptou, entre outros, o seguinte acordo:

«Primeiro. Aprobar definitivamente o estudo de detalle para a ordenación de volumes para a construción dunha cuberta sobre a pista de hóckey existente no colexio Santa María do Mar, sito na avenida da Pasaxe, 69, A Coruña, promovido polo colexio Santa María do Mar.

Segundo. Ordenar a dilixencia do documento, así como o cumprimento dos trámites administrativos recollidos nos artigos 92.2 e 92.3 da Lei 9/2002, do 30 de decembro, de ordenación urbanística e protección del medio rural de Galicia (LOUG), para procurar a entrada en vigor do estudo de detalle.

Terceiro. Notificar este acordo aos titulares catastrais, ás áreas municipais de Infraestruturas, Servizos Sociais, Cultura, Deportes e Educación, aos departamentos municipais de Licenzas e Disciplina Urbanística, Xestión do Solo, Sección de Patrimonio Urbanístico, Oficina do SIX de Planeamento e ao promotor, a quen se requirirá, ademais, para que no prazo de 10 días presente en soporte informático a documentación aprobada para a súa incorporación ao sistema de información xeográfico municipal».

A documentación exixida polo artigo 92.3 da LOUG tivo entrada na Consellería de Medio Ambiente, Territorio e Infraestruturas o día 22 de xaneiro de 2015.

Contra este acordo, que pon fin á vía administrativa, cabe interpor recurso contencioso-administrativo ante a sala correspondente do Tribunal Superior de Xustiza de Galicia, no prazo de dous meses, contados a partir do día seguinte ao da publicación deste anuncio, de conformidade cos artigos 10 e 46 da Lei 29/1998, do 13 de xullo, da xurisdición contencioso-administrativa, sen prexuízo de calquera outro que se considere pertinente.

A Coruña, 22 de xaneiro de 2015

César de Jesús Otero Grille
Director de Urbanismo