A Xefatura Territorial da Consellería de Economía e Industria en Pontevedra recibiu da Sala do Contencioso-Administrativo do Tribunal Superior de Xustiza de Galicia oficio polo que se admite a trámite o recurso contencioso-administrativo 7422/2014/EV, interposto por Minor Granitos, S.L., contra a resolución da Consellería de Economía e Industria do 23 de setembro de 2014, de denegación da solicitude de concesión de explotación derivada do permiso de investigación Corvos nº PO/C/03010.1 situada nos termos municipais de Fornelos de Montes e Mondariz, da provincia de Pontevedra.

En consecuencia, esta xefatura territorial remitiu nesta data e de conformidad co disposto no artigo 49 da Lei 29/1998, do 13 de xullo, reguladora da xurisdición contencioso-administrativa, o correspondente expediente á referida sala, o que se notifica para coñecemento de todas as persoas interesadas no procedemento, emprazándoas para que nun prazo de nove (9) días poidan comparecer como demandadas ante a Sala do Contencioso-Administrativo do Tribunal Superior de Xustiza de Galicia.

Pontevedra, 2 de febreiro de 2015

Ignacio Rial Santomé
Xefe territorial de Pontevedra