En sesión que tivo lugar o 23 de marzo, o tribunal nomeado pola Orde do 5 de marzo de 2015 para cualificar o proceso selectivo para o ingreso no corpo facultativo superior da Xunta de Galicia, subgrupo A1, escala de arqueólogos/as, acordou, de conformidade co disposto na base II.3.6 da convocatoria, que o primeiro exercicio da oposición terá lugar o día 5 de maio de 2015, nas aulas 2 e 11 da Escola Galega de Administración Pública en Santiago de Compostela, en chamamento único que se iniciará ás 16.30 horas.

Os/as aspirantes deberán ir provistos/as de DNI ou de documento fidedigno acreditativo da súa identidade, a xuízo do tribunal, lapis do nº 2 e goma de borrar.

Non se permitirá o acceso ás aulas en que se realice o exercicio con teléfonos móbiles, axendas electrónicas ou calquera outro instrumento de que se poida valer o/a aspirante para auxiliarse na realización do exercicio. Non se habilitará ningún servizo de recollida de móbiles.

Santiago de Compostela, 23 de marzo de 2015

Roberto Carlos Pena Puentes
Presidente do tribunal