Os calendarios de vacinación infantil son unha das medidas de probada efectividade no control das enfermidades transmisibles e a súa sistematización a través dos programas de vacinación supón unha das principais contribucións ao benestar dos cidadáns reducindo a incidencia das enfermidades fronte ás cales protexe así como a mortalidade asociada a elas.
Mais os programas de vacinación deben ser áxiles e dinámicos, capaces de dar resposta aos cambios que se produzan. Por todo isto, o Programa galego de vacinación traballa permanentemente na procura da mellor protección, a accesibilidade de todos á vacinación e o cumprimento do calendario para todos os nenos galegos.
Nesta liña, o Consello Interterritorial do Sistema Nacional de Saúde na súa reunión do pasado 14 de xaneiro de 2015 revisou e aprobou cambios no calendario vacinal común. O Programa galego de vacinación, baseándose nas recomendacións técnicas ao respecto, considera necesario actualizar o calendario de vacinación infantil, adaptándose así aos acordos acadados no Consello Interterritorial.
Os cambios que se van realizar no calendario oficial galego faranse dun xeito gradual no tempo, xa que as condicións loxísticas e orzamentarias non permiten a factibilidade dun cambio único.
De conformidade co disposto no artigo 12 do Decreto 41/2013, do 21 de febreiro, polo que se establece a estrutura orgánica da Consellería de Sanidade e as súas competencias, é responsabilidade da Dirección Xeral de Innovación e Xestión da Saúde Pública a planificación, coordinación e a xestión das actividades do Programa galego de vacinación e a difusión de información sobre o programa, así como o desenvolvemento de programas sanitarios e de prevención de problemas de saúde con especial repercusión na Comunidade Autónoma de Galicia. Por todo isto,
RESOLVO:
Primeiro. Actualizar o calendario de vacinación infantil do Programa galego de vacinación que queda como segue:
|
Vacinas/idade |
0 Meses |
2 Meses |
4 Meses |
6 Meses |
12 Meses |
18 Meses |
3 Anos |
6 Anos |
12 Anos |
14 Anos |
|
Vacina hepatite B: VHB |
VHB (1ª d.) |
VHB (2ª d.) |
VHB (3ª d.) |
|||||||
|
Vacina da difteria, tétano e tose ferina de tipo acelular: DTPa |
DTPa (1ª d.) |
DTPa (2ª d.) |
DTPa (3ª d.) |
DTPa (4ª d.) |
dTpa (5ª d.) |
|||||
|
Vacina inxectable da polio: IPV |
VIP (1ª d.) |
VIP (2ª d.) |
VIP (3ª d.) |
VIP (4ª d.) |
||||||
|
Vacina do Haemophilus influenza tipo b: Hib |
Hib (1ª d.) |
Hib (2ª d.) |
Hib (3ª d.) |
Hib (4ª d.) |
||||||
|
Vacina fronte ao meningococo C |
MCC |
MCC |
MCC |
|||||||
|
Vacina pneumocócica conxugada |
PNC (1ª d.) |
PNC (2ª d.) |
PNC (3ª d.) |
|||||||
|
Vacina fronte ao sarampelo, rubéola e parotidite (triple vírica): TV |
TV (1ª d.) |
TV (2ª d.) |
||||||||
|
Vacina fronte á varicela |
VVZ (1) |
|||||||||
|
Vacina fronte ao virus do papiloma humano: VPH |
VPH (2) |
VPH (3) |
||||||||
|
Vacina do tétano e da difteria tipo adulto: Td |
Td |
(1) Persoas que refiran non ter pasado a enfermidade nin recibido esta vacina con anterioridade.
(2) Unicamente rapazas, 2 doses: 0, 6 meses. Desde o 1 de xaneiro de 2016.
(3) Manterase tamén a vacinación aos 14 anos durante 2016 e 2017 para as rapazas que están agora en idades entre 12 e 14 anos.
Segundo. Incorporar ao calendario de vacinación infantil a vacina antipneumocócica conxugada que empezará a aplicarse o 1 de abril de 2015.
Terceiro. Modificar a idade de administración da vacina fronte ao virus do papiloma humano (VPH) aos 12 anos. Esta medida empezará a aplicarse o 1 de xaneiro de 2016. Co fin de garantir o acceso a esta vacina para as adolescentes galegas que están en idades entre 12 e 14 anos manterase tamén a vacinación aos 14 anos durante 2016 e 2017.
Cuarto. A presente resolución será de aplicación o día seguinte ao da súa publicación no Diario Oficial de Galicia.
Santiago de Compostela, 19 de marzo de 2015
Sonia Martínez Arca
Directora xeral de Innovación e Xestión da Saúde Pública