Por esta cédula, e de conformidade co disposto no artigo 59.4 da Lei 30/1992, do 26 de novembro, de réxime xurídico das administracións públicas e do procedemento administrativo común (BOE nº 285, do 27 de decembro), modificada pola Lei 4/1999, do 13 de xaneiro (BOE nº 12, do 14 de xaneiro), notifícanselles ás persoas que a continuación se relacionan as propostas de resolucións dos expedientes sancionadores OU-S-77/2014 e OU-S-91/2014, xa que, intentada polos medios habituais, non se puideron practicar.
Os interesados poderán recoller as propostas de resolución, así como acceder aos correspondentes expedientes, mediante comparecencia nas dependencias desta Área Provincial; rúa Curros Enríquez, 1-3º andar, de Ourense.
De acordo co artigo 19.1 do Real decreto 1398/1993, do 4 de agosto, polo que se aproba o Regulamento do procedemento para o exercicio da potestade sancionadora, contra esta proposta de resolución poderán, no prazo de quince (15) días contados desde a súa notificación, formular alegacións e presentar os documentos e informacións que xulguen conveniente, ante a instrutora do procedemento.
Expediente: OU-S-77/2014.
Titular sancionado: Nueva Hostelería Ourensana, S.L.
Establecemento: Restaurante La Bull River Club.
Domicilio: estrada de Reza, km 4.
Localidade: Ourense.
Proposta de resolución: 10 de marzo de 2015.
Tipificación da infracción: artigo 110.1) da Lei 7/2011, do 27 de outubro, do turismo de Galicia.
Sanción proposta: 3.600 €.
Expediente: OU-S-91/2014.
Titular sancionado: María Consuelo Mihai.
Establecemento: club Os Corzos.
Domicilio: estrada N-525, km 165.7.
Localidade: Verín.
Proposta de resolución: 16 de marzo de 2015.
Tipificación da infracción: artigo 109.2.c) da Lei 7/2011, do 27 de outubro, do turismo de Galicia.
Sanción proposta: 200 €.
Ourense, 27 de marzo de 2015
Antonio Aguarón Turrientes
Xefe da Área Provincial de Turismo de Ourense