Encarnación Mercedes Tubío Lariño, secretaria do Xulgado do Social número 4 da Coruña, dou fe e certifico que neste xulgado se seguen autos número 716/2012, por instancia de Aida Fernández Mosteiro contra a empresa Ancho Díez, S.L. e o Fondo de Garantía Salarial, sobre cantidade, en que recaeu sentenza con data do 16 de marzo de 2015 que, copiada nos particulares necesarios, di así:

Estímase a demanda interposta por Aida Fernández Mosteiro contra a entidade Ancho Díez, S.L. con intervención do Fondo de Garantía Salarial e, en consecuencia:

– Condénase a empresa Ancho Díez, S.L. a aboar á demandante a cantidade de cinco mil catrocentos setenta e tres euros con vinte e tres céntimos (5.473,23 euros).

Notifíqueselles esta resolución ás partes.

Contra esta resolución cabe recurso de suplicación ante o Tribunal Superior de Xustiza de Galicia, que se deberá anunciar ante este xulgado no prazo dos cinco días seguintes ao da notificación desta resolución, para o cal abondará a manifestación da parte ou do seu avogado, graduado social ou representante, dentro do indicado prazo.

Se o recorrente non goza do beneficio da xustiza gratuíta deberá, ao anunciar o recurso, ter consignado a cantidade obxecto de condena, así como o depósito de 300 euros, na conta de depósitos e consignacións que ten aberta este xulgado, facendo constar no ingreso o número de procedemento.

Así o acorda, manda e asina Nicolás E. Pita Lloveres, maxistrado do Xulgado do Social número 4 da Coruña.

E para que conste, para efectos da súa publicación no Diario Oficial de Galicia, co fin de que lle sirva de notificación en forma á empresa Ancho Díez, S.L., expido e asino este edicto.

A Coruña, 27 de marzo de 2015

A secretaria xudicial