Triñanes e Pego, S.L. solicita unha concesión administrativa para a construción e explotación de depuradora de mariscos e instalacións de subministración de combustible a embarcacións, no dominio público portuario de Castiñeiras, segundo o proxecto básico para a construción da depuradora de mariscos Trimar, asinado por José Ramón Boo Pego (colexiado nº 2600) e polo enxeñeiro técnico industrial Pablo Vidal Vázquez (colexiado nº 2532) en outubro de 2014.
O que se fai público para os efectos previstos no artigo 85 do Real decreto lexislativo 2/2011, do 5 de setembro, polo que se aproba o texto refundido da Lei de portos do Estado e da mariña mercante (BOE núm. 253, do xoves 20 de outubro), para que as persoas e entidades interesadas poidan examinar o expediente e presentar por escrito as alegacións que consideren oportunas nas oficinas da Zona Centro de Portos de Galicia, situadas na rúa Alférez Provisional 5-1º, 15006 A Coruña, no prazo de vinte (20) días hábiles, contados a partir do seguinte ao da publicación do presente anuncio no Diario Oficial de Galicia. A documentación está á disposición na web www.portosdegalicia.com .
A Coruña, 25 de marzo de 2015
Lorena Solana Barjacoba
Enxeñeira xefa da Zona Centro de Portos de Galicia