Requírense aquelas persoas que puidesen ter dereito sobre os mobles que se atopan na vivenda desocupada, de titularidade do Instituto Galego da Vivenda e Solo, situada na avenida Glasgow nº 20-7º D, do concello da Coruña, para que, unha vez acreditados, os retiren do inmoble no prazo de quince (15) días a partir da publicación deste anuncio. Transcorrido o dito prazo, consideraranse bens abandonados para todos os efectos, segundo o establecido no artigo 703.1 da Lei de axuizamento civil.

Para proceder á entrega do enxoval deberán dirixirse á Sección de Inspección e Sancións da Área Provincial do Instituto Galego da Vivenda e Solo, rúa Vicente Ferrer 2, andar 9º, ala sur, A Coruña, das 9.00 ás 14.00 horas, de luns a venres. Expido, asino e selo este anuncio.

A Coruña, 30 de marzo de 2015

Luis G. Eirís Puñal
Xefe da Área Provincial da Coruña