De conformidade co disposto no artigo 59.5 da Lei 30/1992, do 26 de novembro, de réxime xurídico das administracións públicas e do procedemento administrativo común, notifícaselle á Azetanet, S.L. o Acordo do 19 de febreiro de 2015, da directora xeral de Emprego e Formación, de incoación de procedemento de baixa, no Rexistro de Centros e Entidades de Formación para o Emprego da Consellería de Traballo e Benestar, por solicitude da interesada e trámite de audiencia á interesada, devolto polo servizo de Correos por resultar descoñecida a súa destinataria.
«Acordo de iniciación de procedemento de baixa no Rexistro de Centros e Entidades de Formación para o Emprego por solicitude da interesada e trámite de audiencia á interesada.
Azetanet, S.L.
Rúa Gambrinus, número 101, módulo 0, nave 3.
15008 A Coruña.
Logo de examinar a inscrición/acreditación da entidade Azetanet, S.L. no Rexistro de Centros e Entidades de Formación para o Emprego da Consellería de Traballo e Benestar
Antecedentes:
Primeiro. A entidade Azetanet, S.L., CIF B15732837, encóntrase inscrita no Rexistro de Centros e Entidades de Formación para o Emprego da Consellería de Traballo e Benestar, co número de censo 15H02384, nas especialidades formativas seguintes:
|
Código especialidade |
Descrición |
Alta homologación |
|
ADGD0108 |
Xestión contable e xestión administrativa para auditoría |
28.11.2012 |
|
ADGD0110 |
Asistencia na xestión de procedementos tributarios |
28.11.2012 |
|
ADGD0208 |
Xestión integrada de recursos humanos |
28.11.2012 |
|
ADGD0210 |
Creación e xestión de microempresas |
28.11.2012 |
|
ADGD0308 |
Actividades de xestión administrativa |
28.11.2012 |
|
ADGG0308 |
Asistencia documental e de xestión en despachos e oficinas |
28.11.2012 |
|
ADGG0408 |
Operacións auxiliares de servizos administrativos xerais |
28.11.2012 |
|
ADGG0508 |
Operacións de gravación e tratamento de datos e documentos |
28.11.2012 |
|
ADGN0108 |
Financiamento de empresas |
28.11.2012 |
|
SSCF11 |
Metodoloxía da formación aberta e a distancia |
25.11.2009 |
|
SSCS40 |
Comunicación en lingua de signos española |
25.11.2009 |
Segundo. O 6 de febreiro de 2015, Azetanet, S.L. presentou escrito (Rexistro Xeral da Xunta de Galicia, Rexistro de Traballo e Benestar, Santiago de Compostela; entrada 2452/RX 243767), no cal renuncia a inscrición da empresa, no Rexistro de Centros e Entidades de Formación para o Emprego, que estaba autorizada para impartir as seguintes especialidades formativas: ADGG0408, ADGD0308, ADGD0108, ADGD0210, ADGD0208, SSCF11, SSCS40, ADGG0308, ADGG0508, ADGN0108, ADGD0110, e solicita que sexa baixa o antes posible na Consellería de Traballo e Benestar.
Consideracións legais e técnicas:
Primeiro. A competencia para iniciar e resolver o presente expediente correspóndelle á directora xeral de Emprego e Formación, de conformidade co establecido no artigo 6.3) e no artigo 8 do Decreto 106/2011, do 19 de maio, polo que se crea o Rexistro de Centros e Entidades de Formación para o Emprego da Consellería de Traballo e Benestar e se regula o procedemento para a inscrición e, se é o caso, acreditación dos centros e entidades que impartan formación para o emprego no territorio da Comunidade Autónoma de Galicia (DOG núm. 110, do 9 de xuño).
Segundo. O artigo 8.1.d), do Decreto 106/2011, establece que a Dirección Xeral de Emprego e Formación poderá acordar a baixa, no Rexistro de Centros e Entidades de Formación para o Emprego da Consellería de Traballo e Benestar, dos centros e entidades no suposto de solicitude do interesado.
Terceiro. O artigo 75 Lei 30/1992, do 26 de novembro, de réxime xurídico das administracións públicas e do procedemento administrativo común, dispón que se acordarán nun só acto todos os trámites que, pola súa natureza, admitan unha impulsión simultánea.
Con base en todo o anterior,
ACORDO:
Iniciar o procedemento de baixa no Rexistro de Centros e Entidades de Formación para o Emprego da Consellería de Traballo e Benestar, por solicitude da interesada, do número de censo 15H02384 da entidade Azetanet, S.L.
De conformidade co disposto no artigo 84 da Lei 30/1992, do 26 de novembro, de réxime xurídico das administracións públicas e do procedemento administrativo común, póñolle de manifesto a dita causa de baixa e comunícolle que dispón dun prazo de dez días, contados a partir do seguinte ao de recepción da notificación, para que alegue e presente os documentos e as xustificacións que xulgue pertinentes.
Notifíqueselles aos interesados este acordo para o seu coñecemento e efectos oportunos».
Santiago de Compostela, 31 de marzo de 2015
Ana Mª Díaz López
Directora xeral de Emprego e Formación