De conformidade e en cumprimento do disposto no artigo 101.3 da Lei de saúde de Galicia, Lei 8/2008, do 10 de xullo, que permite ao Servizo Galego de Saúde o arrendamento directo dos inmobles que sexan necesarios para o desenvolvemento das súas funcións coa obriga de publicar o anuncio e a adxudicación no Diario Oficial de Galicia, agás naqueles casos en que polas peculiaridades do ben non sexa precisa a publicación do anuncio, pola necesidade de arrendar un inmoble determinado.

En virtude do establecido no Decreto 43/2013, do 21 de febreiro (DOG núm. 47, do 7 de marzo), polo que se establece a estrutura orgánica do Servizo Galego de Saúde, e na Orde do 5 de xullo de 2012 (DOG núm. 139, do 20 de xullo) sobre delegación de competencias en órganos centrais e periféricos do Servizo Galego de Saúde,

RESOLVO:

Primeiro. Facer pública a contratación do alugamento con base nas peculiaridades do ben dunha nave sita na rúa Prolongación de Juan de la Cierva nº 11, do Polígono da Grela, na Coruña, con destino a almacén de arquivos, mobiliario e aparellaxe da Xerencia de Xestión Integrada da Coruña.

A Coruña, 19 de marzo de 2015

Francisco J. Vilanova Fraga
Xerente de Xestión Integrada da Coruña