A Xunta de Goberno Local, na súa sesión do 12 de marzo de 2015, acordou aprobar inicialmente o Plan especial de infraestruturas para a instalación do servizo de tanatorio-crematorio, tramitado por instancia de Funeraria Mariano, S.L., tendo en conta a documentación incorporada con data do 10 de febreiro de 2015 en relación con requerimentos efectuados por distintos departamentos da Xunta de Galicia. O que se fai público novamente durante o prazo dun mes, contado a partir da súa publicación no Diario Oficial de Galicia, segundo o disposto no artigo 86.1.A da Lei 9/2002, do 30 de decembro, de ordenación urbanística e protección do medio rural de Galicia, para os efectos das posibles alegacións que se consideren procedentes.
O expediente queda de manifesto, durante o prazo sinalado, no Servizo de Urbanismo deste concello.
Betanzos, 16 de abril de 2015
José Ramón García Vázquez
Alcalde presidente