Descargar PDF Galego | Castellano| Português

DOG - Xunta de Galicia -

Diario Oficial de Galicia
DOG Núm. 93 Mércores, 20 de maio de 2015 Páx. 19924

VI. Anuncios

a) Administración autonómica

Axencia para a Modernización Tecnolóxica de Galicia

RESOLUCIÓN do 13 de maio de 2015 pola que se anuncia a corrección de erros no prego de prescricións técnicas publicado mediante Resolución do 8 de abril de 2015 pola que se anuncia a licitación, suxeita a regulación harmonizada, polo procedemento aberto e tramitación ordinaria, da subministración e do servizo de instalación de kits de aula dixital para centros educativos no marco do proxecto Abalar, cofinanciado polo Fondo Europeo de Desenvolvemento Rexional no marco do programa operativo Feder Galicia 2007-2013, relativo ao lote 4, servizo de instalación de puntos de acceso á rede corporativa nas aulas dos centros educativos, e se modifica o prazo de presentación de ofertas (expediente 102/2015).

missing image file

Advertidos erros no prego de prescricións técnicas para o lote 4, servizo de instalación de puntos de acceso á rede corporativa nas aulas dos centros educativos da referida contratación, cómpre facer as seguintes correccións:

No anexo III-Especificacións técnicas do sistema de cableado estruturado do prego de prescricións técnicas:

No referente ao armario de comunicación tipo A:

Onde di: «Dispoñerán de porta frontal e traseira dobres microperforadas con capacidade de ventilación >60 % e laterais extraíbles de fácil manipulación», debe dicir: «Dispoñerán de porta frontal e traseira, a frontal microperforada con capacidade de ventilación >60 % e laterais extraíbles de fácil manipulación».

No referente á conmutación de tráfico de rede de usuarios:

Onde di: «Soporte de NetFlow», debe dicir: «Soporte a protocolos de monitorización de tráfico de rede».

No referente á conmutación de tráfico de rede de usuarios:

Onde di:

«Capacidade de conmutación igual ou superior a:

• 200 Gbps Full-Duplex

• 100 Mbps de 64 bytes»,

Debe dicir:

«Capacidade de conmutación igual ou superior a:

• 50 Gbps Full-Duplex

• 40 Mbps de 64 bytes».

A data límite de obtención de documentación e información e da presentación de ofertas para o lote 4, servizo de instalación de puntos de acceso á rede corporativa nas aulas dos centros educativos, remata o 11 de xuño de 2015.

Santiago de Compostela, 13 de maio de 2015

Mar Pereira Álvarez
Directora da Axencia para a Modernización Tecnolóxica de Galicia