Mediante a Resolución do 19 de maio de 2015, do director xeral da Función Pública (DOG núm. 93, do 20 de maio), convocouse concurso para a provisión de postos de traballo vacantes na Administración xeral da Xunta de Galicia.

No anexo I da Resolución do 19 de maio figura, co número 1191, o posto con código MR.C99.10.000.15001.044 (páx. 19.865 do DOG). O dito posto fora adxudicado con carácter definitivo pola Resolución do 27 de febreiro de 2014 pola que se resolve o concurso para a provisión de postos vacantes na Administración xeral da Xunta de Galicia, convocado pola Orde da Consellería de Facenda do 20 de febreiro de 2013 (páx. 9061 do DOG núm. 42, do 3 de marzo de 2014), sen que posteriormente quedase vacante, polo que debe ser excluído da relación de postos ofertados.

Doutra banda, advertiuse a omisión do posto con código TR.C99.10.101.36001.001, cuxa provisión por concurso específico (DOG núm. 92, do 15 de maio de 2013) foi substituída por concurso ordinario (DOG núm. 90, do 15 de maio de 2015). Xa que estaba prevista a publicación da modificación con anterioridade á publicación da resolución de convocatoria do concurso, na Comisión de Persoal do 13 de maio de 2015, na cal se aprobou o proxecto de orde de convocatoria, acordouse a inclusión deste posto na relación de postos que se van ofertar.

Polo exposto, no uso das competencias que ten atribuídas no artigo 1 da Orde do 8 de xullo de 2013 sobre delegación de competencias na Dirección Xeral da Función Pública modificada pola Orde do 26 de agosto de 2013, esta dirección xeral

RESOLVE:

Primeiro. Excluír do anexo I da Resolución do 20 de maio de 2015 o posto:

Segundo. Incluír no anexo I da Resolución do 20 de maio de 2015 o posto:

Santiago de Compostela, 20 de maio de 2015

José María Barreiro Díaz
Director xeral da Función Pública