Eu, Sarai Paniagua Acera, secretaria xudicial do Xulgado de Primeira Instancia número 5 de Vigo, certifico que neste xulgado se tramitan autos arriba referenciados nos cales se ditou o seguinte:
(Sentenza nº 481)
Vigo, 2 de xullo de 2014
María del Carmen Salvador Mateos, maxistrada xuíza titular do Xulgado de Primeira Instancia número 5 e o seu partido, viu os autos seguidos neste xulgado baixo o número 1296/2013, sobre disolución do matrimonio por divorcio, en que actúa como demandante Lucía Domínguez Rodríguez, representada pola procuradora dos tribunais Vanesa Núñez Martínez e con asistencia letrada de Syra María Ríos Costas contra Manuel López López, declarado en situación procesual de rebeldía, con base no seguinte:
(Seguen antecedentes de feito e fundamentos de dereito).
Resolvo:
Na demanda interposta pola procuradora dos tribunais, Sra. Núñez Martínez, en nome e representación de Lucía Domínguez Rodríguez, contra Manuel López López, declarado en situación procesual de rebeldía, estimo esta e declaro disolto, por divorcio, o matrimonio formado polos referidos cónxuxes, con todos os efectos legais inherentes á dita declaración.
Non se fai unha especial imposición en canto ás custas.
Unha vez que sexa firme esta resolución, comuníquese ao Rexistro Civil onde consta a inscrición do matrimonio, co fin de que se proceda á súa inscrición marxinal, e déixese constancia de tal circunstancia nos autos.
Esta sentenza é susceptible de recurso de apelación no prazo de vinte días, desde a notificación desta resolución, perante a Audiencia Provincial.
Así, por esta miña sentenza, da cal se expedirá testemuño para a súa unión aos autos, pronúncioo, mándoo e asínoo.
Ao se atopar o dito demandado, Manuel López López, en paradoiro descoñecido, expídese este edicto co fin de que lle sirva de notificación en forma.
Vigo, 14 de maio de 2015
A secretaria xudicial